Fîlîz Zeyrek

 

EDENE - Zekîye Polata ke bi emrê xo yê pîl, bi wesayîtêke komkerdişê kaxidan her cayê bajar de geyrena. Zekîye dîyar kerde ke xeylê nêweşîyê aye estê û êdî lingê aye ne wesayît ne zî aye eşkenê wedarnê û vengdayîşê piştdayîşî heme kesan rê kerde.

 

Zekiye Polate 25 serre yo Edene de her qeza û kuçe de geyrena û kaxidan kom kena, pê komkerdişê kaxidan debara xo kena. Zekîye 61 serre ya û eynî wextî de ewnîyena tornanê xo ra. Zekîye vana: "Ez semedê ameyoxê xo nê, semedê înan têkoşîn kena. Bi serran hemverê feqîrî mi têkoşîn kerd. Ez vengdayîşê piştdayîşî her het ra kena."

 

'Êdî nêeşkena bikerî'

 

Zekîye da zanayîş ke her wext xebityaya û nê çî ardî ziwan: "Mi 4 domanê xo pîl kerd. Ê zewicyayî û şî. Nika ewnîyena tornanê xo ra. La ez êdî ciwan nîya. Êdî nêeşkena. Kes halê kesî ra fam nêkeno. Xeylê rey semedê fonê hetkarîya komelî bigîrî, mi no ser muracatê Wezaretê Polîtîkayê Komelî û Keyeyî kerd. La her rey vatî ke 'ti eşkena debara xo bikerê'. Gelo hetkarî nêdê mi do bidê kamî? Mi xo dî nêdî ez feqîre bîya. Nika nêweşîyê şekir û tansîyon mi dir estê. Awe, ceyran û tupe vayê. Roja ke ez nêvejêna kar ma vêşan manenê. La ez êdî nêeşkena rayîra şîrî zî."

 

'Hetkarî bidê tornanê mi

 

Zekîye dewam de ard ziwan ke serê siba rew wirzena û heta şande xebityena û wina va: "Lingê mi êdî mi nêgînê we. Ez nêeşkena wesayîtê xo zî berî. No zî qîm nêkeno ez yena keye de zî xebityena. Mecbur ez kena. Semedê çopî ez rîskê girewtişê mîkroban zî cuyena. Ez mecbura destê xo bikerî çop. No srmed ra ez reyan nêweş kona. jî dijîm. No emrî de zî kes kar nêdano mi. Ez veng dana hemê hetê hîsgiran kena. Xêrwaştoxan ra hetkarî wazena. Qe nêbo wa tornê mi feqîrî nêvînê. Wa hetkarî bidê înan."