Medîne Mamedoglu-Pîroz Zirig

 

ŞIRNEX - Dewa Roboskî ke asmênê aye bi bombayan roşn bî, kewt tarîtî, 28ê Kanûna 2011an de kewte şînêke pîl. Dewa ke 34 kesî ameyî qetilkerdiş, dayîk, doman û ciwanî her roje eynî dejî ancenê.

 

28ê Kanûna 2011 de dewa Roboskî yê Qilabanê Şirnexî ke asmênê aye bi bombayan roşn bî, kewte tarîyêke pîl û dewe kewte dejêke qet nêqedêno. A roje ra dima şîn ameyo girewtiş, cil û belgê sîya cuya înan ra nêvejîya. Xeylê xo ci ra domanî 34 kesî ameyî qetilkerdiş û a roje ra nat yew dawetêke zî nêamî viraştiş.

 

34... 

 

Qirkerdiş 6 serrî dimayê xo verda, dayîkê domanan û ciwanan, merdimê înan 313 hewteyo ke edalet geyrenê. Keyeyî 6 serrî yo ke dimayê edaletî yê û bendeyê ke rojêke kiştoxê domananê înan bêrê vînayîş. Dewijî semedê qirkerdişo ke ameyo viraştiş nêvanê qirkerdiş vanê 34î...

 

Ozcan, Şivan, Şervan û xeylê bîn...

 

Ozcano 17 serre, Şervano ke nîşanî bi û semedê dawete xo amade kerdêne û hema xeylê ganê bîn... Senîn ma konê dewe varan dest pêkeno... No varan wina asîyeno ke heya serrgera înan dewam kerd...Ma semedê roportajî şinê verê mayan. Heme bi cil û belgê sîya ma pêşwazî kenêç. Dimayê mayan fotografê  34 kesan ma pêşwazî kenê.

 

Dewijan huyayîş xo vîr ra kerdo

 

Mayan fotografê domanê xo girewtî û tena vatişê fekê înan ra vejêno ‘6 sal derbaz bi la çîyê ke nêvuryeno dejê ma yo.' Çîyo ke bala ma anceno rîyê ti kesî nêhuyayeno. Wextê pêşwazîkerdişî rîyê înan huyayeno û dima ra merdim nêeşkeno 5 sanîyan dergî rê rîyê înan rê biewnîyo.

 

'A roje ra nat heme çî vurya'

 

6  serre yo ke na dewe de veyve nînê kerdiş, govende nîna gernayîş. Bi desan kesî travmayê qirkerdişî cuyenê. Yew înan ra Jiyan Encuya 18 serrî zewicnayeya. Jîyane destê xo hene nêkerdo û bi fistanê sîya keye ra ameya vetiş û nika zî kênayêke aye esta. Jîyan dîyar kena ke dimayê ke birayê aye Şivan Encu qirkerdiş de cuya xo vinî kerdo, aye tedawîya psîkolojîk vînaw û va: "Ez şîya ser ê goristanî û ez êdî nêameya ser ê hişê xo. 6 aşme ez ameya dermankerdiş. Mi her ca de goristan vînayne. Mi merdişê înan ra bawer nêkerd. Mi vatêne do hema vejyê û bêrê. A roje ra nat heme çî vurya."

 

Domanê ke nêzanê mayê înan çira hesirê çiman varnenê bi meraqêke pîl fotografê 34 kesî ra ewnîyenê û pîl benê.