Duygu Erol 

 

ENQERE - Karkerê pakîtî yê şaredarîya Çankayayî, bi kitabê ke çopê fabrîkayêke taxa Îmrahorê Mamakî ra kom kerdî, kitabxaneyêke akerdî. 

 

Xebatkarê pakîtî yê Şaredarîya Çankayayî Enqere, fabrîkayêke tuglayê kan ke 45 serre verê ameyo viraştiş û wêran bibi, newe ra awan kerdî û kerdî merkezê komkerdişî. Fabrîkayê ke 600 karker xebitnenê, odayê sey revîr, mudirîyet, merkezê weşîye, salona boydayîşî, mitbax, salona sînema esta û eynî wextî de korîdorêke fabrîka zî hetê karkeran ra amî restorekerdiş û kerdî kitabxane. Karkeran kitabê ke çopî ra kom kerdê newe ra tamîr kerdê û kitabxane de bi ca kerdê. Kitabxane de 4 hezar û 200 kitab estê. Karkeran semedo ke kitabî keye de bêrê wendiş û semedê kesî bi keyeyî kitaban berê keye tabanê dayeyî awan kerdî. 

 

'Ma nêzanayne do winî bibo' 

 

Verpirsîyara Çimeyî Merdiman ê Hemkarîya Karî ê Norm-Altaşî yê Şaredarîya Çankayayî Sema Beşkaya dîyar kerde ke wexto ke newe dest pêkerdê, nêfikrîyayê ke do kitabxaneyê ke winî akerê û wina va: "Kitabê ke çop ra ameyî, ma vernê de ma va ma do senîn şîrove bikerê. Ser ê nê fikrî de kitabxaneyêke karkeran ma akerê vejya. Vernê de ma zaf fikîrîyayî. Fikrê ma estbi. Ma va do nîmcet bimano. La ma va reyna zî ma bidê destpêkerdiş. Ma dima ra dî ke heme refî bîyê pir." 

 

'Ma hedef kenê ke kitaban vila bikerê'

 

Sema ard ziwan ke wexto ke newe kitabxane awan kerdê Tîmê Bêsînoran ra zaf piştdayîş girewtê û va tîmê bêsînoran mektebê dewan rê hetkarîya kitaban kerdê û hamnanî 150-200 kitabî bexşnayê. Sema wina va: “Ê ke ewil bexş kerdî Tîmê Bêsînoran bi. Wexto ke mekteb konê betilnayîş, hemwelatî kitaban kom kenê û erzenê çop. Bi komkerdişê nê kitaban û bexşan nika 4 hezar kitabê ma estê. Hedefê ma 5 hezar kitab ê. Kitabê bîn zî ma do dewan de bikerê kitabxaneyan."