Habîbe Eren

 

ENQERE - Zanista Rojhelato Mîyanen Hamîde Yîgîte derheqê qewimîyayişê peynî yê Sûrîye de zanayişan da û bale ante Kongreya Dîyalogî ya Sûrîye ke Soçî de pê ame ser û wina va: “Çareyê sîyasî, hukmatê Sûrîye û temsîlkarê kurdan de yo. Bê kurdan çareserî nêbeno”

 

Aleksandr Lavrentyevo ke temsîlkarê taybet yê Rusyayî yo û Surîye de temsilkarî keno, îzehetê xo de dîyar kerd ke PYD do beşdarê Kongreya Dîyalogî yê Mîyanneteweyî yê Surîye ke do 29-30 çeleyî de Soçî de pê bêro, nêbo. Labelê do temsîlkarê kurdan zî beşdarê kongreye bibî. Babete ser o Nuştoxa Zanista Rojhelato Mîyanen Hamîde Yîgîte qisey kerde û dîyar kerde ke pêvînayişê ke temsîlkarê kurdan beşdar ci nêbî do bênetîce bimano û qerarê çareserî tede nêrî dayiş.

 

Hamîde destpêkê qiseykerdişê xo de bale ante vatişê Erdoganî ke vano ‘Ma do bikewî Efrînî’ ser û wina va: “Manayê nê vatişan çin o. Wexto ke vera Îdlîbî de operasyonî dîyayî dest pêkerdiş, rojanê ewil de medyaya hetgire de ame vatiş ke hedefê înan yê esas kurdê Efrînî yî. Sebebê şîyayişê AKPyî, ferzkerdişê AKPyî bî. AKP polîtîkayê Sûrîye de îflas kerd. Seba ke sewbîna şansêk înan yê qebulkerdişî çin bî. Medyaya hetgir nê têkşîyayişan sey serkewtişî nîşan dano. Polîtîkayê teber û zerre de tengbîyayiş yenê cuyayiş. AKP nê rojan de vîşêrê na, nêeşkeno sewbîna argumanêk pêşnîyaz bikero.”

 

'Şerê Sûrîye de Îdlîb do fînal bibo'

 

Hamîde dewamê qiseykerdişê xo de wina va: “Şerê Sûrîye de Îdlîb do fînal bibo. Destpêkerdişê meseleya Îdlîbî re nata bi çimanê ‘ewja do bibo şerê Tirkîya’ ameyêne dîyiş. Çimkî berê merkezê cîhadîstan Îdlibî, Tirkîya ra ame akerdiş. Astana de wezîfeyê ‘cîhadîstan to awan kerd, ti çareser biker’ dîya Tirkîya. Rolê Tirkîya yê krîtîk no bî. Heme hetê prosesê Cenewre, dawetê Kongreya Dîyalogî ya Mîyanneteweyî ya Sûrîya ke Astana de dewam kena bîyî. Heme çî formalîte yo. Çimkî pêvînayişê Cenewre re netîce nêvejîya.”

 

'Şarê kurd zemînê çareserî yo'

 

Hamîde qiseykerdişê xo yê peyênan de wina va: “Pêvînayişê Cenewre yê 2016î de Rusya waşt ke PYD zî beşdarê kombîyayişî biba. Labelê DYAyî no talebê Rusya red kerd û herinda PYDyî de heyetê Rihadî ke piştî dayêne Suudîyan, erşawitî Cenewre. Na rewşe re dîyar bena ke bêvînayişê bê kurdan bênetîce ya. Sûrîye şerê vekaletî de êdî ameya peynî. Prosesê tîya re pê do herinda xo çareserî re biverdo. Esasê raşteqîn yê çareserî, şarê Sûrîye yo. Şarê kurd zemînê çareserî yo. Ganî heme kes no raştîyî qebul bikero. Tirkîya zîrweyê Soçîyî de ferzkerdişî na rewşe dî û qebul kerde.”