ENQERE - Pisporê DÎSK-ARî Denîz Beyazbulut Cigêrayîşê Hêzê Kar ê Keyeyan yê wextê 2017 ê TUÎKî şîrove kerde û dîyar kerde ke dayeyê betalî ê cinîyê ciwanan sera 26.7 zêdebîyayîşêke cidî esto û wina va: "Betalîya cinîyê ciwanan taybetî hîn bajaran vejyayo sera 32. Yew sebebê ci zayendê komelî yo. Pîyasa ra en zêde cinî û ciwanî bandor benê."

 

Daîreyê Cigêrayîşê Konfederasyonê Sendîkayê Karkerê Şorişgir ê Tirkîya (DÎSK-AR) raporê Hêzê Karî ê Keyeyan wextê 2017 Êlule, 15ê Kanûne de weşanabi şîrove kerde. Goreyê dayeyê TUÎKî betalbîyayîş sera 10,7 ca ame. Hûmara betalî ke bandurê mewsîmî ci ra amebi vetiş 3 mîlyon û 410 hezar derbaz bi. Bi pênaseyê hîra hûmara betalan 5,9 mîlyonî ya. Nisbetê sera 17,2 bi ca ame. Nisbetê betalîyê ciwanan sera 20 o. Nisbetê cinîyê betal zî sera 14.9 o û ê cinîyê ciwanan zî sera 26,7 o.

 

Pisporê DÎSK-ARî Denîz Beyazbulutî goreyê dayeyê TUÎKî nisbetê betalîyê cinîyan û ciwanan şîrove kerd. Denîze da zanayîş ke pêroyî de betalîyê ciwanan resayo mîlyon û 790î û va ciwanan serra peyînan de  dawî de ji ber betalî perwerdeyê lîsanê berzî û doktora berdewam kerdê û va tay bajaran de nisbetê betalîyê cinîyan resayo sera 37an. Denîze ard ziwan ke yew sebebê ci zayendê komelî yo.

 

Denîze da zanayîş ke mudaxalekerdişê îqtîdarî yê polîtîkayê nifûsî zî betalî de kewto binê bandure û va Tirkîya de 14 mîlyon ciwanî estê û bi koçberîyê Sûrîye no nisbet hîna zêde bîyo.

 

Denîze qiseykerdişê xo wina dewam kerde: "Tewir peynî bi îşkurî dir caardişê stajerî ame rojeve. No zî halê xebatê bêasayîş ano meydan. Stajerî gerek parçeyêke perwerdeyî bo. La uca de sey bêasayîş vejêno vernîye ma. Xeylê stajyerî karê angarya ci rê yeno ferzkerdiş."

 

'Polîtîkayê îqtîdarî bandure îstîhdamî keno'

 

Denîze peynîye qiseykerdişê xo de da zanayîş ke semedê polîtîkayê neolîberal pîl yeno cuyayîş la refah zêde nêbo û va no polîtîkayê îqtîdarî yê perwerdeyî zî bandure ser o îstîhdamî keno.