Fîlîz Zeyrek

 

MERSÎN- Tugba Er dîyar kerde ke tilsimê pîl ê herre esto û va ke xêrê herre cuya xo cîya kerda. Bahare xo aşma wisarî rê amade kena ke pêşangeha xo seramîkî abikera.

 

Tugba Era ke Mersîn de atolyaya xo bi nameyê ‘TÎN, art desîng’ de berardişanê xo viraznena, bi ameyîşê wisarî dir xo amade kena ke pêşangeha xo abikera. Tugba dîyar kena ke ganî cinî dest bidê huner û wina va: “Hunerî cesaret da mi.”

 

'Her tewir halê herre vînayîş zaf weş o'

 

Tugba ard ziwan ke bi serran o mamosteyîya mektebe maye kena û serra 2014an de Beşê Seramîkî yê Fakulteya Hunerê Weşik ê Unîversîteya Mersînî de perwerde dîyo û va: “Mamostetî weş bi la eleqeyê aye semedê hunerî zaf zêde bîyo û atolyeya xo yê hamnanî akerde de berardişanê xo viraznena.

 

Tugba dîyar kerde ke 2013an de fek mêrdeyê xo ra vera dayo û dest bi xêzekerdişî kerda û kewta macerayêke pîl û dîyar kena ke her tewir halê herre vînayîş û kîfşkerdişê herre zaf weş o.

 

'Camêrdî hemverê cinîyan benê asteng'

 

Tugba ard ziwan ke atolyaya xo de aşme ra reyke xêzkerdişê cinîyan fînena ra û roşenê, bi no hawa zî semedê cinîyan benê destek. Tugba va: "Ez her peynîya hewte dersa seramîkî dana cinîyan. Mi bê problem prosesê destveredayîşî mêrdeyê xo dir peynî ard. La hîkayeya mi dimayê destveradayîşî destpê kerd. Cinî her wext rastê astengîyê camêrdan yenê."

 

'Hîskerdişê herre...'

 

Tugba veng da heme cinîyan ke berardişê hunerî bikerê û va, "Ganî cinî vernê de xo ra bawer bikerê. Semedo ke şima kêfweş bê, vengê zerrîya xo goşdarî bikerê. Semedê cinîyan destpirodayîşê hunerî, destpirodayîşê cuyayîşî yo. Ez bawer kena ke huner birînan baş keno."