Zulal Koçer

 

STENBOL - Fatma Yildirima ke karê xo ra ameya îxrackerdiş derheqê pereyê nimte û ruşwetê bi îfadeyê Reza Zarrabo ke DYA de sey şahid qisey kerd, ma bi Fatma dir derheqê na babete de qisey kerd û persê rojeve kerd. Fatma ard ziwan ke kesê bi cemaetî dir hemkarî kerdê ‘dirî’ têgeyrenê û wina vate: "Ti karê ma bi cemaatî dir çin o. Ancax karê înan pê bibo."

 

'Bêguman do no saltanat peynî bibo'

 

Fatma Yildirima ke  bi KHK ra 7ê Sibata 2017 de mesleke xo ya mamostetîyê ke 7 serre û nîm bi kerdêne, amî îxrackerdiş, sey kedkarêke derheqê doza Reza Zarrabî de şîrove kerde.

 

'Bi 44 hewteyo ma waran de yê

 

Fatma qiseykerdişê xo wina dewam kerde: "Hewldayîşê derbeyê 15ê Temmuze kerdî îmkan û heme muxalîfî bi FETO dir têkilîyê înan dayî ro û îxrackerdî. Ma polîtîkayê tecrîdî qebûl nêkerê. Bi 44 hewteyo ma waran de yê. Ma xo qalî kenê. Ma pîya konê piştdayîş. No zî semedê ma zaf baş o."

 

'Roj bêro ê do hesab bidê

 

Fatma derheqê îdiayê pereyê nimte û ruşwetî yê bi doza Reza Zarrab dir ameyê rojeve wina va: "Xora îqtîdarêke hetê kedkaran çin bi. Îqtîdarêke ser polîtîkayê talankerdişî amebî awabkerdiş esto. Ma nê zanê. Ma îtîraz kenê. Ê mîyanê luksî de cuyayî, qesre viraştî, la ma mehkumê vêşanî kenê. Wexto ke winî bo, hêrsê ma zî yeno texmînkerdiş. Roj bêro do verê qanûnan de hesab bidê."

 

Fatma ard ziwan ke ê çarçeweya operasyonê FETO de ameyê îxrackerdiş û dîyar kerdî ke înan her wext vato; ê hemverê derbe, cemaat û têkilîyê cemaetî yê.

 

Fatma peynî de zî da zanayîş û ard ziwan ke ‘Bêguman no saltanat bêpeynî nîyo, do o zî peynî bibo'.