STENBOL - Platformê Ma do Kiştişê Cinîyan Vindarnê Esîn Yeşîlirmake dîyar kerde ke goreyê Peymanê Stenbolî ke Tirkîya îmza eşta, gerek Tirkîya derheqê qetilbîyayîşê cinîyan de dayeyê   îstatîstîkî bigîro. Esîne va Wezaretê Dade û Wezareta Keyeyan daye nêgînê û va: “Pêwa ke Ma bi desan rey müracat kerdo, cewab nîno dayîş. Ma ti ya ra fam kenê ke dayeyî nînê girewtiş."

 

Platformê Ma do Kiştişê Cinîyan Vindarnê avûkat Esîn Yeşîlirmake bale ant ser dayeyê îstatîstîkê qetilkerdişê cinîyan û da zanayîş ke wezaretê dade û wezaretê keyeyan mecburê nê dayeyan bigîrê û welatê ke îmza eştê peymanê Stenbolî mecburê nê dayeyan bigîrê.

 

Semedê muracatî cewab çin o

  

Esînê da zanayîş ke semedê nê sebebî Tirkîya peymanê Stenbolî pelçiqnena û wina va: "Ma sey sazgehê komelê sivîl wazenê nê dayeyan eşkera bikerê. Pêwa ma bi desan rey muracat ameyo kerdiş la cewab semedê waştişê ma nêameyo dayîş. No semed ra ma fam kenê dayeyê derheqê qetilbîyayîşê cinîyan de nînê girewtiş."

 

Yenî Akîtî rapor serûbin kerd

 

Esîne dewamê qalîkerdişê xo de wina va: "Sey yeno zanayîş nê dayeyî zaf girîng ê. Xêrê ci pîlbîyayîşê problemî vejêno meydan. Reyan daye yenê serûbin kerdiş. Rojnameyê Yenî Akîtî dayeyê KDCPî bi vatişê dişmintîye cinî serûbin kerdo. Rojnameyo ke Qanûnê Pawitişê Hûmara 6284 hedef girewto, raporê ke KDCPî amade kerdê beşêke ci weşêna."

 

Esîne peynî de veng da ke ganî selahîyetdarî goreyê Peymanê Stenbolî tê bigeyrê û gerek her serre rapor amade bikerê.