DERSİM - Semedê projeya ke hetê qayûmî ra ameya bicaardiş, qeraxê Çemê Mûnzûrî simoreyan û hemwelatîyan rê ame padayîş û netîceyê proje de xeylê darî ameyî birnayîş.

 

Tuncay Sonelo ke sey qayûm tayînê Şaredarîya Dêrsime yê DBPî bîyo, binê nameyê Projeyê Konseptê Warê Kesk ê Qeraxê Awe de projeyêke rê îmza eşt. Şaredarîya DBPî ke paradîgmaya Ekolojî esas girewtêne, qayûm zî eqsê şaraderîya DBPî talankerdişê ekolojî esas gêno û bi na proje birnayîşê daran rê zî destûr dano. Aşmê hamnanî de binê nameyê operasyonê sîyasî de dar î ameyî veşnayîş û ê ke mendî zî bî hedefê qayûmî. Taxa Mogultay qeraxê Çemê Mûnzûrî de tena birnayîşê daran nê, eynî wextî de simoreyî zî bêwar û bêawe mendî.

 

Proje çi hedef gêna?

 

Qezaya Mazgêrt 2009 de semedê awankerdişê Awbendê Uzunçayirî ra problemê ke derûdor de vejyayî yew ci ra akerdişê kepaxê awbendî ra dima mendişê sîlike bi. Projeya ke qayûmî amade kerda û do bi ca bîya ro, Pirda Mavî û Pirda Mamekî zî tede xirbe û sîlike bi ke rê ci. Wareyê ke semedê birnayîşê daran destûr ameyo dayîş, semedo ke statuyê daristanê bajarî de yo gerek binê kontrolê Mudirîya Karê Daristanî de bibo. Labelê derheqê babete de zanayîşê ke hetê Mudirîya Karê Daristanî ra ameyo girewtiş "No kar ma ra vejya" yo.

 

Amancê proje her çiqas viraştişê qanal û virazyayîşê sîlike vindarnayîş bo zî la qeraxê çemê Mûnzûrî hem merdiman rê hem zî simoreyan rê ameyo qedexekerdiş. Na mintiqa ke ameya qedexekerdiş, cayêke simoreyî zaf cuyenê ya.