Ferîde Zede-Orîvan Mustefa

 

EFRÎN - Cinîyê bajarê Efrînî seba debara xo ya cuye têkoşîn danê û lazimîyê xo bi keda destê xo herînenê.

 

Cinîyê Efrînî her hetê cuye de bi keda destê xo ya vaye hewl danê ke payanê xo ser de bivinderî. Taybetîyê cinîyan re yew zî o yo ke lazimîyê xo yê zimistanî yê mewsîmî bi destanê xo kenê û serd û seqemê zimistanî de bi keda xo cuyenê. Ameyişê zimistanî reyde cinîyê Efrînî dest bi amadekarîya zimistanî kenrdî û kolîyan arê danî.

 

Cinîyê Efrînî seba lazimîyê xo yê zimistanî mîyanê koyan de qijik û kolîyan arê danî ke serd û seqemê zimistanî de pê germ bibî. Cinîyî her ameyişê zimistanî de kewenê rayirê ko û çolan. Cinîyî kolî û darê huşke arê danî û sey erzaq seba zimistanî keye de pêser kenê.

 

 Derheqê babete de cinîya binameyê Nîmet Elîkoye ke seba serd û seqemê zimistanî kolîyan arê dana qisey kerde û wina va: "Ma amadekarîya zimistanî kenê. Ma şonê koyan û kolîyanê huşkan arê danî. Mîyanê nê şertê zhmetinan de ma ge-ge gaz  û mazotî daxî peyda nêkenê. Cok ra zî ma bi bir û çula nadir vêşnenê û kolîyan kenê soba. Ma awa xo soba ser de germ kenê û şamê xo soba ser de virazenê. Sewbîna xeylê feydeyê soba estî. Keda destan omid û weşîya cuyeya.”

 

'Seba lazimîyê zimistanî cinî xebitîyenê'

 

Cinîya binameyê Hêvî Hemgilînoye zî qiseykerdişê xo de wina va: “Heme cinîyê Efrînî tîya de amadekarîya zimistanî kenê. Her çiqas ke hêriş bibî zî ma dest axa xo ra nêverdenê. Ma bi saya berardişê erdê xo payan ser vindenê. Xeylê beşê cuye de cinîyî zî estê û amadekarîya xo bi destê xo kenê. Cok ra ma zaf kêfweşî. Ma pêşnîyaz kenê k eheme cinîyî bi keda destê xo zilmê desthilatdaran re rizgar bibî.”