Şehrîban Aslan-Duygu Cînîvîz

 

AMED - Derheqê Mudirîyê  Karê Nuştişê DÎHAyî ke bi KHK ame padayîş Dîcle Muftuoglu de bi îdiaya ‘endamîya rêxistine’ bi waştişê 15 serrî cezaya hepisxaneyî dewa amî akerdiş. Dîcle dîyar kerde ke îdianame, îdianameyêke absurt o û va hetê înan de ti erjê na dewa çin o û ard ziwan ke ê do nêeşkê înan karê înan ra dûr verdê.

 

Keso bi namêyê Huseyîn Adalano ke Erzîngan de nişnayne ro derheqê Ajansê Xeberan ê DÎHAyî ke bi KHK amebi padayîş, semedê xeberê ke ameyê weşanayîş 2015 de muracatê sûcî kerdib. Serdozgerîya Komara ya Amedî îdianameyê derheqê cigêrayîş de temam kerd. Îdianame hetê 5in Dadgeha Cezaya Giran ya Amedî ra ame qebûlkerdiş û derheqê Serekê Heyetê Îdarekerdoxî Zekerîya Guzupek û Mudirê Karê Nuştişî yê DÎHAyî Dîcle Muftguoglu de 20 xeberî sebeb ameyî mojnarayîş û  bi îdiaya ‘endamîya rêxistine’ kerdê 7 serran ra heta 15 serran waştişi cezaya hepsî ame waştiş.

 

Dîcle Muftioglu dîyar kerde ke DÎHA wayîrê vîyartoxêke 14 serran o û no prosesî de faliyetê weşanê ê serkewte bi ca ardê. Dîcle va ke ajans 29ê teşrîna verêne 2016 de bi KHK ameyo padayîş û sebebê padayîşê DÎHA o bi ke her wext rastî mojnayne ra.

 

Dîcle nê çî ard ziwan: “Îdianame, îdianameyêke absurt o. Wextê qedexeyê tebervejyayîşê kuçeyan de nêwaştêne rastî bêrê vînayîş. NY û heyetê mîyanneteweyî waştêne rastîyan bizanê. NYî rojê derbazbîyaye de raporêke eşkera kerd. Qedexe sey wehşetî bi name kerd. Rojnamegerîya ma zî na nukta de cayêke girîng de ca girewtêne."

 

Dîcle peynîye qalîkerdişê xo de da zanayîş ke verê înan de ti erjê na dewa çin o û va do ti çîyêke înan karê înan ra dûr nêverdo.

 

Yewin roniştişê dewa do 22ê Adara 2018 de 5in Dadgeha Cezaya Giran ya Amedî de bêro vînayîş.