TIL TEMIR-  Semedê amadekarîya Konferansê Keyeyê Şehîdan ke do bêro viraştiş Kongreya Star, bajarê Tiltemirî ke girêdayê Kantonê Hesekî yo kombîyayîş semedê keyeyê şehîdan yeno viraştiş.

 

Sazgehê Keyeyê Şehîdan amadekarîya Konferansa Sazgehê Keyeyê Şehîdan kenê û no semed ra vernîye konferansî de kombîyayîş viraşt. Kombîyayîş de kar û xebata Sazgehê Keyeyê Şehîdan ame şîrovekerdiş û kombîyayîş de ewnîyayîş û pêşnîyazê derheqê Sazgehê Keyeyê şehîdan ame şîrovekerdiş. Kombîyayîşê ke Sazgehê Keyeyê Şehîdan de ame viraştiş cinî û mayê şehîdan amade bî. Hemsereka Meclîsî Awankerdoxa Federalîya Demokratîk ya Vakûrê Sûrîye Hedîye Yûsive sey qiseykerdox beşdarê kombîyayîşî bî.

 

Kombîyayîş bi deqayêke rêzgirewtiş ame destpêkerdiş û Gulîxan Tahîre Temsîlkara Kongreya Star û cinîya şehîd Abdullahî perspektîfê Rayberê PKKî Abdulah Ocalanî wend. Perspektîf de israrê xoverdayîş û têkoşîn û wayîrvejyayîşê hêvî û xeyalê şehîdan, amebi nuştiş.

 

Hemsereka Meclisê Awankerdoxa Sîstemê Federalîyê Demokratîk ê Vakûrê Sûrîye Hedîye Yûsive qisey kerde û wina va: "Ewro ma bi xêrê gonîya şehîdan, welatêke huzûrîn de cuyenê. Her bostêke herra Kurdistanî bi gonîya şehîdan ameya awdayîş. Gerek ma ewro wayîrê xelayê şehîdan vejîyê û bi ca bîyarê. No zî bi awankerdişê Sûrîyake demokratîk û rêxistinkerdiş semedo ke bibo nimûne komelan rê mimkin o."

 

'Wayîr vejyayîşê şehîdan xelisnayîşê komelî yo'

 

Hedîye qiseykerdişê xo wina dewam kerde: "Çira Şorişê Rojawanê Kurdistanî bi ser kewt? Semedo ke ê şarê ke en zulm û zordarî Rêjîmê Basî dîyê û nêverdayê bi vengê xo beşdarê cuyayîşê bê. No semed ra ê zî bîyê wayîrê peyma azadîya şaran. Kêna û xortê Rojawanê Kurdistanî semedê xelisnayîşê şarê xo û heme neteweyan barê şorişî dayî ser milê xo û vatî 'Ma şorişgirê, ma do herra xo û şarê xo bixelisnê û bipawê. No semed ra ewro wayîrvejyayîşê erjê şehîdan rêxistinkerdiş û xelisnayîşê komelî yo."

 

Dimayê qiseykerdişan keyeyê şehîdan pêşnîyaz û projeyê xo semedê ameyoxê ke konferans de bêrê munaqeşekerdiş û qerar bêro dayîş ardî ziwan.

 

Kombîyayîş bi munqeşeyan peynî bi.

 

Heto bîn ra Konferansê Keyeyê Şehîdan (SMŞ) do demo bêro de bêro viraştiş.