Safiye Alagaş

 

AMED- Serdozgerîya Komara ya Amedî kitabê şiîrî yê aktîvîsta TJAyî Sara Aktaşe ke tewqîfkerdeya, bi îdiaya ‘yewitîye dewlete asteng kerda’, delîlê sûc hesibnayî û dosyaya dewa de zêde kerdî. 

 

Aktîvîsta Tevgerê Cinîyan ê Azadan (TJA) Sara Aktaşe ke 14ê Hezîrane de çarçeweya cigêrayîşî Serdozgerîya Komara ya Amedî de amî tepiştiş û tewqîfkerdiş, kitabê aye şiîran ke semedê çapkerdişî amade bi sey ‘delîlê sûcî’ ame hesibnayîş û îdianame ame zêdekerdiş. Kitabê ke 50 şiîrî tede estbî, delîlê sûc ame hesibnayîş.

 

Roniştiş 21 Kanûne de yo

 

Dozgerî îdia kerd ke şiîrê Gel, Yuregîmdekî Gomut, Ant û înancim de vatişê rêxistnî estê û va şiîr ‘netewperestîyê Kurd’ vejenê vernê û wina îdia kerdî: “Yewitîya Dewleta Komara Tirkan asteng kena.”

 

Yewin roniştişê dewaya Sara Aktaşa ke bi îdiaya ‘awkerdişê rêxistinî û îdarekerdişî’ 10 serran ra heta 15 serran, bi îdiaya propagandaya rêxistinî ra zî 6 aşmî ra heta di serrî û nîm cezaya hepsî yena waştiş, 21ê Kanûnê de dê bêro vînayîş.