WAN - Nezahat Gure hemverê enfeksîyonê şube, hewa û dejê reglî rê dermanê nebatî viraznena û va maye û pîrêke xo ra musaya. Nezahate ard ziwan ke her cinî eşkena hamnanî xo biresno nebatê şîfayînan.

 

Nezahat Gura ke Îpekyolê Wanî de cuyena, semedê nêweşîyan dermanê bi nebatê tebîî viraznena. Nezahate dîyar kerde ke taybetî semedê domanê ke şube konê û  bronşît û astim benê dermanê tebîî viraznena.  

 

Nezahete wina va: "Lîmonêke bikerê  çar parçeyan. Bikerê beroş. Kulmêke nane, kulmêke cehtire bikerê ci. Awe ci ke rê. 5 deqeyan bigirnê. Dima ra vindarnê û bikerê şûşeyêke. Dima ra serê siba û şande qedexêke çay bidê. kê. Winî boye înan vejêna. Semedê serdî û kuxike dermanêke zaf baş o. Eke kuxike winî derbaz nêbî  neke. Tirpa siya, bi kardî zerîya ci akerê. Koçikêke zencefîl, di koçikêke hengemîn bikerê ci. Di hîrê cayan de qûl bikerê. Do awa xo vera bido. Do awe bikerê şuşe û siba şande koçikêke borê."

 

Nezahate dîyar kerde ke semedê xeylê nêweşîyê bîn zî dermanan viraznena û semedê nêweşîyê cinîyan zî dermanê aye estê. Nezahate ard ziwan ke herra Kurdistanî hetê nebatan de xeylê dewlemend ê û va her cinî hamnanî eşkenê xo biresê xo nebatan.