Duygu Cînîvîz

 

AMED - Endama Awankerdoxa Komeleya Domanan ê Gundemî Esîn Komane va: "Teda û astengî bi OHAL û pêrodayîşan dir mîlîtarîzmî awan keno. No semed ra zî şîdetê ser cinîyan zêde bibo de şîdetê ser domanan zî zêde beno. 

 

Mintiqayê ke pêrodayîş yenê cuyayîş, netîceyê teqnayîşan de xeylê domanî yenê qetilkerdiş. Taybetî zî bajarê Kurdistanî netîceyê polîtîkayan de domanî yenê qetilkerdiş. Eynî wextî de hemverê domanan îstîsmar zî zêde bi. Endama Awankerdoxa Komeleya Domanan ê Gundemî Esîn Komane dîyar kerde ke dimayê komeleya înan ameyo girewtiş ra dima, xebatê înan nimcet mendê û va o zî beno sebebê îhlalkerdişê heqan.

 

Komeleya Domanan ê Gundemî, 2005 de Enqere de ame awankerdiş. Xebatkarê; averşîyayîşê domanan,  zarokan, pisporê xizmetê komelî, komelnas, psîkolog, huqûqnas, mîmar, perwerdekar, akademîseyen û pisporê komê meslegan ca gênê. Amancê înan o bi ke heqê domanan bêro pawitiş.

 

Esîne dîyar kerde ke dimayê OHAL û KHKyan îhlalkerdişê heqan ê pîl ameyê cuyayîş û komeleya înan zî ameya padayîş û wina dewam kerde: "Ma ameyî tepiştiş û heme xebatê ma yê semedê domanan nîmcet mendî. Nê îhlalkerdişê hemverê heqan û azadîyan hêriş ê."

 

'Babeta aştîye meydan ra amî wedartiş'

 

Esîne îhlalkerdişê heqan ê ke bi OHALî dir ameyî cuyayîş ard vîr û va bi wedartişê prosesê aştî, prodayîşî hîna zêde bîyê û wina va: "Bi OHALî dir komelan kerdî binê tedayan. Wexto ke zanayîşî derheqê domanan mintiqa ra û zanayîşê domanê ke hepisxaneyan de manenê, ma rê hawayêke eşkera vejeno meydan. Pêvînayîşê bi keye û avûkatanê înan dir yeno kerdiş bi problem ê."

 

'Şîdet û mîlîtarîzm bi perwerde ame weykerdiş'

 

Esîne dewam de wina va: "Warê perwerdeyî de zî îhlalkerdişê heqan ame cuyayîş. Perwerde ame dîndarkerdiş, muhafazakerdiş. Perwerde ser ê domanan de ame kerdiş û bandure ser komela de dayî kerdiş. Heto bîn ra zî  bi OHALî dir şîdet zêde bi. No hal zî mîlîtarîzm vet meydan. Semedê şîdetê ser cinîyan, şîdetê ser domanan zî zêde kerd."