Dilber Mihemed

 

SERÊKANIYÊ - Cinîyê bajarê Serêkanîye tecrîdo giran yê ke Rayberê Şarê Kurd Abdullah Ocalanî ser de yeno ramitiş şermizar kerdî û wina vatî: “Ti cayêko dinya de fînakêk winasî çin o, ganî bihawayo lez û bez problemê tecrîdî bêro çareserkerdiş.”

 

27ê temmuze 2011î ra nata pêvînayişê  Rayberê Şarê Kurd Abdullah Ocalanî bi avûkatanê xo reyde yenê astngkerdiş. Rayberê Şarê Kurd Abdullah Ocalan 19 serrî yo ke binê tecrîdêko giran de yo û ti xebere Ocalanî ra nîna girewtiş. Nizdîyê 2 aşmî yo ke Kurdistan, Tirkîya û zaf cayanê dinya de seba weşî, ewleyî û azadîya Ocalanî çalakîyî yenî viraştiş. Heto bîn de 5ê nîsana 2015î ra natapêvînayişê heyeta Îmralî û 11ê êlula 2016î ra nata zî pêvînayişê keyeyê Ocalanî yenê astengkerdiş. Tecrîdo ke nizdîyê 19 serrî yo ke Rayberê Şarê Kurd Abdullah Ocalanî ser o yeno meşnayîş, dewam keno. 

 

Sewbîna demê peyênan de derheqê weşîya Ocalanî de zî xeber nîna girewtiş û medyaya komelkî ser de xeberî yenê parekerdiş. Cinîyê bajarê Serêkanîye derheqê tecrîdo giran de qisey kerdî û reaksîyon nawitî na rewşe.

 

‘Ma do wayîrê Rayberê xo bivejîyî’

 

Hemsereka bajarê Serêkanîye Stêra Reşike qiseykerdişê xo de dîyar kerde ke demêko derg o ke Rayberê Şarê Kurd Abdullah Ocalanî zindan de raştê tecrîdo giran yeno û wina domnaye: “Demêko derg o ke Rayberê Şarê kur ra xebere nîna girewtiş. Dewleta tirk nêverdena ke avûkat û keyeyê Ocalanî şêrî pêvînayiş. Me tecrîd û nizdîbîyayişê dewleta tirk şermizar kenê. Ma veng danê komeleyanê heqê merdiman ke wa seba wedarnayişê tecrîdî bixebitî. Cinîyê bajarê Serêkanîye do û ma do seba azadîya Rayberê xo taxan de têkoşîn bidî.”

 

'Têkoşîn menaya cuye ya’

 

Heto bîn de Îdarekara Şaredarîya Şaran ya Bajarê Serêkanîye Nesrîn Selahe zî tecrîdo giran ser de qisey kerde û wina va: “Tecrîdo giran yê Rayberê PKKyî goreyê pêkerdişê mîyanneteweyî nîyo. Her çiqas ke şarê kurd ser de hêriş, tecrîd, qirkerdişê sîyasî û sewbîna xeylê çîyî bibî zî şarê kurd ti rey sere nêrona û xover da. Cok ra têkoşîn manaya cuye ya. Şarê kurd tarîx ra nata têkoşîn dayo û xoverdayişê xo dewam kerdo. Ewro zî seba Rayberê xo xover danî. Ganî ma ti rey moralê xo xira nêkerî û têkoşîn bidî. Ez veng dana heme cinîyan ke wa bivejîyî taxan û wayîrê Rayberê xo bivejîyî. Wayîrvejîyayişê Rayberî erjêko bimbare o.”