Gulîstan Azak

 

MELETÎ - Trabmusê ke Meletî de ê bi boyaxê pembe ame boyaxkerdiş û semedê cinîyan kewt fealîyet û rastê reaksîyonê cinîyan yenê. Cinîyê Meletî dîyar kerdî ke no caardiş, tecrîdê ser ê camêrdê tacîzkaran nê, ferasetê ke cinîyan bikero tecrîdî yo.

 

2012 de Baskê Cinîyan ê Partîya Saadetî ê Stenbolî kampanyaya ‘semedê cinîyan otubusê pembe’ ardî babete û hemverê reaksîyonan nêkewtî fealîyet û Adara 2015 de Riha de kewte fealîyet. Dimayê ci Sêwas de binê nameyê ‘teqsîya pembe’ waştî bikerê fealîyet. Bursa de ame waştiş ke cinîyan hepsê ‘vagonê pembe’ bikerê û Şaredarîya AKPî yê Meletî zî caardişê trambusa pembe kerde dewre.

 

Trambusê pembe ke bi îdiayê wendekarê cinî ê unîversîteya Înonu tacîz ra xelas bikerê seferê ci dayê destpêkerdiş, roje de 8 rey sefer kenê. Trambusê ke 4 aşmî yo fealîyet de yê, ma wendekarê Unîversîteya Înonu pers kerd.

 

Wendekara Îlahiyatî Kubra Pekdemîre (20) derheqê babete de wina va: "Ma heme zanê ke eleqeyê tacîzî wesayîtê vurnayîşê kome de bi cil û belg, emir û bi makyaj çin o. Hetê şaredariyê AKPî ra semedo ke cinî bêrê tecrîdkerdiş nê çî yenê kerdiş. Rojê verê de wendekara Unîversîteya Mersînî Zelal Topçule wesayîta vurnayîşê komî de amî vetiş û remnayîş. Verê çimanê her kesî de hetê di camêrdan ra amî remnayîş. Kesê ke bî şahidê hedîse nêeşkayî çîyêk bikerê. No zî mojna ma ke zîhniyetê serdest ê camêrdan tena wesayîtan de nê, her ca de vejêno vernîye Ma."

 

'Tacîzkar nê, a ke rastê tacîzî yenê tecrîd kenê

 

Wendekara bi nameyê Rojda Dalbaşa 23 serrî zî ard ziwan ke ê caardişêke winî binê nameyê 'pawitişê' de qebûl nêkenê û qiseykerdişê xo winî dewam kerde: "Bi no şekil kesê ke tacîz kenê nê, kesê ke rastê tacîzî yenê, yenê tecrîdkerdiş. Trambusa pembe tena di heb ê û heta 5ê şande sînor kerdê û no zî ewnîyayîşê zayendperest ê şaredarî mojneno ra."

 

'Ma trambusê pembe rê espar nêbenê'

 

Wendekara Huqûqî Ebru Vanli zî nê çî ard ziwan: "Bêguman ganî cinî trambusê pembe ê berardişê serdest ê camêrdan qebûl nêkerê. Girîngî boyaxkerdişê teqsîyan nîyo, girîng o yo ke cinîyan bi komelî dir bidê qezenckerdiş. Cinîyan sey meta vînenê. Ma zî vanê nê caardişî qebûl nêkenê û trambusê pempeyan rê espar nêbenê. 

 

Heval Sencîya wendekara Felsefeyî da zanayîş ke bi yê ye destnîşan kir ku bi polîtîkayê ke cinîyê hemverê tacizî bê rê pawitiş verdêne cinî her warî de qut bikerê û va her warî de bîyayîşê xo bipawê.

 

Salkim Serîbaşa 19 serrî zî ard ziwan ke amancê nê caardişî, pawitişê ra weta, cinî do hîna zêde rastê hêrişê bêrê.