Evrîm Kepenek

 

STENBOL - Cinîyê Muslumanî ke hîrê serrî yo Blogê Reçel de nuşteyê cîya nusnenê û cîyayî awan kenê. Ma zî bi edîtora blogî Rumeysa Çamderelî dir hîn reçel girna. Tehmo ke vejya meydan zî 'ma hukmo pêşîn bişikînê’ yo.

 

Blogo bi nameyê Reçel Blogo ke 2014 ra heta nika weşan keno, cinîyê musluman î bi qeleme cewab danê ferasetê serdest ê camêrdan ê sînorkerdişê cinî gerek senîn bicuyê. Yew zî ci ra awankerdox û edîtora Reçelî Rumeysa Çamderelî dir ma qisey kerd.

 

Cayê ke cinîyê musluman ê qisey kenê yo

 

Goreyê Rumeysa Reçel semedê cinîyê muslumanan cayê qiseykerdişî yo. Eleqeyê semedê sîte zî xeylê zêde yo. Rumeysa dîyar kerde ke cinîyê musluman î wayîrê taybetîyêke homojen nîyê û va cinîyê ke ci ra vanê ‘sereyê înan girewteyo nêeşkenê nê bikerê' esasê xo de eşkenê xeylê çîyan bikerê. Rumeysa wina va: "Turbane haceta frenkerdişî nîya, halê îbadetî ya. Cinî eşkenê çîyê hempar de bêrê têhet û pîya xurt bê. Cinîyê ke Reçel nusnenê dest danê yewbînan û çîyê verê cuyabî kesî ra nêvatibî. Yanî esasê xo de cinîyê xo tena hîs kenê, xêrê Reçelî ameyê têhet. Reçel hêzê vurnayîşê kulturî yo. Ma hukmo peşîn î ê xo zî şiknenê."

 

Rumeysa peynîye qalîkerdişê xo de da zanayîş ke înan Reçel viraşto, kerdê kavanozan û va semedê tehmê reçelî bêro ewnîyayîş eşkenê xo biresnê: http://recel-blog.com/