AMED - Dozgerîya Komara ya Amedî derheqê Platformê 1HaberVar de bi îdîaya ‘bi rayîrê çapemenî propagandaya PKKî kenê' cigêrayîş da destpêkerdiş. Dozgerî şîroveyê meymanê ke beşdarê bernameyan bîyê zî sey ‘delîl’ hesibna. Edîtora Kurmancî yê Platforma 1HaberVar Gulîstan Korbane va: “Ma do hemverê çapemenîya ke çim û goşê xo gênê, her wext bibê."

 

Derheqê Platformê 1HaberVar ke hetê xebatkarê radyo û Tv yê bi KHK ameyî padayîş ra ame akerdiş, Dozgerîya Komara Amedî bi îdiaya ‘ Bi rayîrê çapemenî propagandaya PKKî kenê' cigêrayîş dayî destpêkerdiş. Çarçeweya cigêrayîşê ke ame destpêkerdiş de bi desan bername, mîtîng, îzahatê çapemenî sey delîl kerdî dosya. Edîtora Kurmancî ra Platforma 1HaberVarî Gulîstan Korbane ard ziwan ke aye hemverê cigêrayîşê ke ameyê akerdiş mat mendê.

 

'Ma mat mendî'

  

Gulîstane dîyar kerde ke ê hemverê muhtewayê cigêrayîşî de şaş mendê û nê çî va: "Xeberê ma suc ameyê hesibnayîş. Bi deşan bername ameyî viraştiş û nê bernameyan de meymanan qisey kerd. No zî sey propaganda ame hesibnayîş. Çîyo bîn bale anceno zî îzahatêke çapemenî semedê Fîgen Yuksekdage Enqere de amebi dayîş bi. Îzahat de îbareyê ‘Fîgen Yuksekdag îradeya ma ya’ ca gêno. Dozgerî îdia kerd ke 1HaberVarî ’weşan  kerdê û ‘propagandaya PKKî kerdê'. Reyna bernameyê cîya yê HDPî zî suc ameyî hesibnayîş."

 

Semedê hetê muxalîfî cigêrayîş ame akerdiş'

 

Gulîstane da zanayîş ke wextê cigêrayîş yenê kontrolkerdiş qiseykerdişê înan zî çin o û vatiş aîdê kesê diyîn û hîrêne yê. Gulîstane da zanayîş ke semedê ca dayê hetê muxalîf, înan ra vanê ‘şima propaganda kenê'. Gulîstane peynî de va ke ê do hemverê çapemenî çim û goşê xo girewtê, do her wext bê û têkoşîn bikerê.