STENBOL - Berkîn Elvanî çalakîya Parka Gezî ya Stenbolî de 16ê hezîrana 2013î de bi bombeya gaze ya ke hetê polîsan ra ameybî eştiş birîndar bîbî û badê têkoşînê 269 rojan cuya xo vînîkerdbî. Siba doza Elvanî yena dîyiş û keyeyê Elvanî seba beşdarbîyayişê roniştişê 4. vengê beşdarbîyayişê doze dayî.

 

Berkîn Elvanî taxa Okmeydanî ya Stenbolî de wextê xoverdayişê Parka Gezîye de bi bombeya Gaze ya ke hetê polîsan ra ameybî eştiş birîndar bîbî û 269 rojî qoma de mendbî. Badê têkoşînê cuye yê 269 roja Elvanî nêweşxane de cuya xo vînî kerdbî. Doza ke derheqê qetilkerdişê Berkîn Elvanî de ameybî akerdiş, heta nika 3 roniştişî virazîyayî û roniştişê 4. do siba 17. Mehkemeya Cezaya Giran ya Edlîyeya Stenbolî ya Çaglayanî de bêra dîyiş. Keyeyê Berkîn Elvanî seba beşdarbîyayişê roniştişê 4. yê domanê xo veng dayî heme kesan ke bêrî verê mehkema.

 

Vengdayişê keye wina bî:

 

“Ma şexsê lajê xo de seba heme domananê ke ameyî qetilkerdiş, edalet wazenê. Roja ke Berkîn Elvanî birîndar bîbî ra heta nika, şima hertim hetê ma de bîyî. Ma  bi saya piştîsayişanê şima ameyî roja ma ya ewro. Ma hewl danê ke dejê xo bikerî zerrîya xo. Ma seba heme domanan edalet wazenê. Roja birîndarbîyayişê lajê ma ra heta nika 639 rojî vîyartî. Mehkema tena polîsêk nawite ma û tercih kerde ke xo gore muhakeme bikera. Labelê ma wazenê ke heme kerdoxî bêrî muhakemekerdiş. Cok ra ma paweyê şima heme dost û embazanê xo yê keş ima roja 13ê kanûne de saet 10.00î de beşdarê mehkema bibî û mehkemeya çaglayanî ver de kom bîbî.”