Cûdî Zêno / Orîvan Mustefa

 

EFRÎN – Cinîyê herêma Efrînî qala hêrişê dewleta tirkan ke herra Efrînî ser de kenê, kerdî û qiseykerdişê xo de îdîayê ke dewleta tirkan derheqê hêzê pawitoxî de kenê şermezar kerdî.

 

Derheqê babeta hêrişê tirkan yê herêma Efrînî ser o cinîya bi nameyê Cîhan Reşîde îdîayê ke derheqê dewleta Tirkan de yenê kerdiş şermezar kerde û wina va: "Dewleta tirke hêrîşê şarê Efrînî kena. Dima ra îdîayê zuran erzena raşte û hêzanê pawitoxî vila kena raşte. Pêroyê dinya de yena zanayiş ke hêzê ma yê pawitoxî tena erjanê xo pawenê û pawitişê herr û welatê xo kenê. Senî ke çeteyê dewleta tirkî, şerê Kobanî de ser nêkewtî û vinî kerdî do vera têkoşînê şarê Efrînî de zî vinî bikerî."

 

Dewlete herra Efrînî meşru bikera

 

Cinîyan ra Cîhan Şêxoye nêrazîbîyayîşê xo arde ziwan ser û derheqê îdîayan de wina va: "Dewleta Tirke wazena ke bi mehne û  îdîayê zuran hêrîşê herra Efrînî meşru binawna. Şarê Kurd senî ke îradeya dewleta tirkan Kobanê de şikîna do Efrîn de zî bi xoverdayîşê xo bi eynî rengî bişikno."

 

‘Qet nêeşka ke destê xo bierza parçeyêk herra Efrînî’

 

Heto bîn ra cinîya bi nameyê Nisrîn Ebdo bale ante tehdîdê ke hetê dewleta tirkan ra yenê kerdiş ser û hêrişan şermezar kerde. Nisrîn qiseykerdişê xo de wina va: "Dewleta Tirke xeylê reyan hêrişê herêma Efrînî kerde, labelê qet nêeşka ke destê xo bierza parçeyêk herra Efrînî.  Ma do herra xo dagirkeran ra bipawî."

 

Efrîn rûmetê xo paweno!

 

Heto bîn ra endama Cinîyê Ciwanan Yesmîn Hesen zî dîyar kerde ke çend rojîya ke top û bombeyê hêzê tirkan Efrînî ser de yenê û wina va: "Dewleta Tirke zirar dana sivîlan. Hêzê pawitoxê herêma Efrînî vera nê hêrişan de tena pawitişê herre û erjê xo kenê. No zî heqêqo meşru yo."

 

Cinîyan ra tewr peynî de Emîne Ebdî qisey kerde û aye zî wina va: "Dewleta Tirke kurdan ra çina wazena? Êdî şerê ke kurdan de virazîyenê, bes ê. Wehşetê Dewleta Tirke qesebaya ma veşna. Êdî ma nêeşkenê tehmul bikerê wehşetanê sîstemê dewleta tirk û çeteyanê DAIŞî. Wa baş bêro zanayiş ke şarê Efrînî laşê xo vera nê sîstemê wehşî û lêşinan de nêtewênê û do têkoşînê xo dewam bikerê."