Gulîstan Azak

 

MELETÎ - Bazarê xurdeyan de cinîyê ke bi rotişê cil û belgê kanan debara xo kenê vatî: "Ma Tirkîya de binê sînorê vêşanî de cuyenê. Yê ke ma ardê no halî, wazenê ma bi vêşanî terbîye bikerê."

 

Bazarê Xurdeyê ke her yewşeme ser ê rayîrê merkezî yeno awankerdiş, cinî zî cil û belg û solê kan ê ke kom kenê bazar de roşenê. Esnafê cinî dayî zanayîş ke no bazarî de esasê xo de profîlê Tirkîya yo û kesê wazenê halê şarî bivînê ganî bêrê no bazarî.

 

'Ma binê sînorê vêşanî de cuyenê'

 

Ayzelîha Dîşçî rojê yewşemeyan hîrê domananê xo û mêrdeyê xo gêna û ser ê siba rew yena bazar û va: "Pereyê ke ma qezenc kenê qîmê ma nêkeno. Ma nêeşkenê debara xo bikerê. Berpirsîyarê nê probleman ê ma îdarekar ê. Ez neweş a û emelîyat bîya. No bazarî de heta şande ez bi 5 lîra şina keye. Gelo kesê îdarekarî bazarêke wina ra zanayîşê înan esto. Hacetê ke ma çop ra kom kenê, pak kenê û ma tîya roşenê."

 

'Ma înan efû nêkenê'

 

Ayzelîha dewamê qalîkerdişê xo de ard ziwan ke ber»irsîyarê halê înan dewlete ya û va verê piştdayîş dayne AKPî la nika zî nefret kena û va welatê xo de sey multecîyan sey xerîban cuyenê.  Ayzelîha va kesê ke înan ardê no halî do qetî efû nêkerê.

 

Cinîya bi nameyê Arzu Polata 37 serrî ke maya domanan a, semedê soba bieşko bigîro ameya bazar û va: "Soba zaf vayê. Ez do no zimistan bi sobayêke kan îdare bikerî. Kesê feqîrî yenê nê bazaran. Hewa nika ra serd bîya. Ez zî domanê mi zî nêweş ê. Asayîşê weşîya ma çin o. No semed ra ma nêeşkenê şêrê nêweşxane.

 

Fatma Durana 60 serrî zî va hîrê domanê gerek bêrê dermankerdiş, la semeod ke îmkanê aye çin ê nêeşkena û va aye bi rotişê cil û solê kanan pereyê dermankerdişê domananê xo peyda kena.