MÊRDÎN - Sereka Şubeyê yewin ê Tumbelsenê Enqerî Hulya Kiliç  qanûnê ke hukmatê AKPî wextê peynînan de pêşkêş kerdê û polîtîkayê teda yê ser cinîyan şîrove kerde û va: "Ma cinî hemverê  qanûn û îxracan sere nêtewenê. Heta peynî ma do xo ver bidê."

 

Sereka Şubeyê Yewin ê Tumbelsenî yê Enqerî Hulya Kiliçe îxrac û polîtîkayê hukmatî şîrove kerde û dîyar kerde ke hemverê nê polîtîkayan do têkoşînê xo girs bikerê.

 

'Amancê ma o yo ke ma komelî bikerê wayîrê zanayîşî'

 

Hulya ard ziwan ke polîtîkayê hêrişî AKPî yê hemverê cinîyan nêqedîyayê û va ke ê sey cinîyan şîyê Enqere û verê meclîse de protesto viraştê. Hulya winî dewam kerde: "Hemverê çalakîya cinî, hêrişêke giran ame meydan. Cinîyan erd ra kaş kerdî.. Gaz eştî. Ma reaksîyonê xo berd uca. Ma rastîyê pey înan zanê. Wazenê cinîyan hepsê keyeyî bikerê. La amancê ma o yo ke, ma komelî bikerê wayîrê zanayîşî."

 

'Cinî bi piştdayîş lingan ser mendî'

 

Hulya da zanayîş ke cinîyê Enqere hemverê îxracan tena nêmendê û her wext bi piştdayîş lingan ser mendê û va netîceyê KHKî de Enqere de nêzdîyê 200 kesan ameyê îxrackerdiş û va înan bi cinîyê ke ameyê îxrackerdiş dir torra piştdayîşî bi ca ardê û cinî tena nêverdayê.

 

Hulya peynîya qalîkerdişê xo de ard ziwan ke do hem hemverê qanûnan û hem zî hemverê îxracan têkoşîn bikerê.