AMED- DBPî derheqê îcraatê qeyûmê ke bi serrêke tayînê şaredarî bîyo de raporêke amade kerd û do 11ê Kanûne de eşkera bikero. Temsîlkara Hemsereka Pêroyî yê DBPî Seher Tumere derheqê raporî de zanayîş da û va: "Qayûm yeno manaya xespkerdişê îradeyê şar î. Manaya xespkerdişî o yo ke xebatê şaredarîyê ma veng vejê."

 

Îradeyê şarî çin ameybi hesibnayîş û bi talîmatê Wezareta Karê zerrî dir vera şaredarê ke ameybî weçînayîş, qayûm ame tayînkerdiş. Çarçeweya OHALî de 15ê Tebaxa 2016 de KHK hûmara 674 ame îmzakerdiş. Dima ra zî qayûm ameyî tayînkerdiş. 11ê êlule 2016an de dest dayî şarîdarîyan ser. Pêroyîde qayûm tayînê 94 şaredarîyê DBPî ameyî kerdiş. DBPî zî îcraatê serrêke ê qayûman kerd rapor û do raya pêroyî dir pare bikero.

 

Temsîlkara Hemserekîya Pêroyî yê DBPî Seher Tumere derheqê raporî de zanayîş da û dîyar kerde ke dimayê tayînkerdişê qayûman projeyê şaredarî sey projeyê xo mojnayî ra.

 

'Ma ard hewteyê heqê merdiman'

 

Sehere ard ziwan ke bi bi KHKyan qayûm tayînê şaredarîyê DBPî ameyî kerdiş û wina va: "Ma do derheqê xebatê qayûman de îzahatêke bidê. 11ê Kanûne de Demîr Otele de saete 10ine de ma do îzahatê xo bidê. Ma do bi beşdarbîyayîşêke girs ma do îzahatê xo bidê. Semedo ke îzahat do bêro dayîş xeylê sazgeh û çapemenî dawet ameyî kerdiş. Ma bi taybet kerd hewteyê heqê merdiman. Problemê qayûman dimayê 15ê Temmuze de xespkerdişê heqê merdiman de nişneno ro."

 

Sehere ard ziwan ke bi qeyûman dir xebat û tecrubeyê 18 serran orte ra yenê wedartiş û va do derheqê nê de raporeke zaf hîra weşan bikerê.