Gulîstan Azak

 

MELETÎ- Zeynep Çelîkkanatya Meletî yew ci ra hemwelatîyê Elewî yê keyeyê aye hetê kesê nêdîyar de ame nîşankerdiş, da zanayîş ke cigêrayîş dewam keno la aye ne bi dewlete û ne zî polîsan ra bawer kenê û va: "Çi ame sereyê ma bi destê dewlete ame."

 

22yê Teşrîna Peyêne taxa Cemal Gursel ê Meletî de keyeyê 13 hemwelatîyê Elewî ameybî nîşankerdiş û cigêrayîşo ke ameyo destpêkerdiş dewam keno. Hemwelatîyê Elewî ke verê zî rastê caardişê winî ameybî, diyar kerdî ke hedîseya ameya cuyayîş munferît nîya. Ê hemwelatîyan ra Zeynep Çelîkkanata ke keyeyê aye zî ame nîşankerdiş, ard ziwan ke cigêrayîş dewam keno la ê ne bi dewlete û ne zî polîsan bawer nêkenê û va: "Çi ame sereyê ma bi destê dewlete ame."

 

'Ganî cesaret bibo'

 

Zeynebe wina ard ziwan: "Hemverê nê tersê ke yenê awankerdiş, ganî wayîrê cesaret bê. Ma elewî, ermenî, suryanî, kurd her wext pîya cuyayê. Polîsê.ke semedê asayîşî ma ameyê wezîfekerdiş zîhnîyetê dewlete rê xizmet kenê. Ma do senîn polîsê dewlete ke ma ra hes nêkenê bawer bikerê. No welatî de semedo ke nameyê pîyê înan Huseyîno kar nêdanê domanan ê ma. Dewlete semedê kesê xo bi rehetî kar dana la domanê ma bajarê Tirkîya de înşîaatan de dana xebitnayîş."

 

Zeynebe dewamê qiseykerdişê xo de ard ziwan ke demêke nêzanayne elewî, sunî çi yê, tersê înan çin bîyo û bera înan akerde kewtê ra û qiseykerdişê xo winî qedêna: "Nika bawerîya kesî bi kesî nêmendo. Sazbîyayîşêke siyasî-dînî vanê 'yew elewiyêke bikşo do şêro cenet' esto. Ganî ma destûr nêdê ke no zîhnîyet zirar bido ma. Ma elewî, suryanî, ermenî, kurd, tirk, xiristiyan kam dîn, rengî beno wa bibo ma eynî cuyayîşî pare kenê. Ma pîya na cografya ser cuyayî. Ez vengdayîşê yewitî kenê."