Evrîm Kepenek 

 

STENBOL - Endama awankerdoxa AKPyî û Hetkara Serekê Wezîrîya Karê Komelî ya verê cu ya AKPyî Fatma Bostan Unsale qala kerdişê badê OHAL û KHKî ke ameyî cuyayiş kerde. Fatma ke bi rexneyê xo yê vera polîtîkayê destlilatdaran de kena,  yena zanayiş û wexto ke Universîteya Alparslan ya Muşî de mamosta bîye bi KHKyî kar ra ame eştiş. Fatma qiseykerdişê xo de dîyar kerde ke sîyasetê Tirkîya de pelçiqnayiş yena cuyayiş û çareserî yewîya hêzê demokratîke de ya.

 

Fatma destpêkê qiseykerdişê xo de va ‘AKPî binê tesîrê leşkerî û hukmê burokratîk de yo’ û wina dewam kerde: “AKPî bi vatişê ‘ma do vesayetî birijnî’ ame îqtîdar. Badê ke vesayet vesayet wedarîya problemê hîna gird ameyî cuyayiş û sîstemêko bêhuqûq ame awankerdiş.”

 

Bêbawerî mîyanê şar de vila bîye

 

Fatma dewamê qiseykerdişê xo de bale ante 15ê temmuze teşebusê derbe ser û wina va: “Badê 15ê temmuze merdimî yewbînan gere kerdî û mîyanê komelî de bêbawerî virazîya. Xeylê Qerarnameyê Hukmê Qanûnî (KHK) ameyî vetiş û kesê bêsuc ameyî îxraçkerdiş. Semîh û Nurîye bîyî lîlikê rewşa ma. Vindetişê Nurîye û Semîh nîşan da heme kesan ke çina ameyo cuyayiş. Problemê pîlî seba çareserî firsendî. Qewimîyayişê Sûrîye do Tirkîya teşwiqê roniştişê maseya çareserî bikero.” 

 

Fatma Bostan Unsal kam a?

 

Fatma serra 1965î de Manyasa Balikesîrî de ameya dinya. Beşa Zanayişê Sîyasî ya Unîversîteya Stenbolî ra mezun bîya û Unîversîteya Bogazîçî ra lîsans herînaya. Awankerdoxê AKPyî ra yew zî  Fatma Bostan Unsale ya.