Lîlav Elî-Cudî Zêno

 

EFRÎN - Cinîya bi nameyê Eytan Abêde dewa Maratî de bi viraştişê cilê rêsînan debara cuyayîşê xo kena.

 

Tarîxê merdimayî de heta nika cinî her wext bîya wayîrê ked û berardişê destan, labelê zihnîyetê camêrdî heme ca û waran de keda cinî vinî kerdê.

 

Cinîya bi nameyê Eytan Abêde ke dewa Maratî yê mintiqaya Efrînî de ya, fek huner û awankerdoxîya xo ra vera nêdayo û emrê xo yê 45 serrî de karê viraştişê cilê rêsînan kena.

 

Eytane domanîya xo de viraştişê cilê rêsînan mûsaya, bi viraştişê cilê rêsînan dikanêke qij de debara cuya xo û keyeyê xo kena.

  

'Ez semedê ameyoxê domanan ê xo têkoşîn kena' 

 

Eytane dîyar kerde ke aye semedê ameyoxê domananê xo têkoşîn kena û wina va: " No bi 20 serrî yo ez karê viraştişê cilê rêsînan kena. Ha bi 12 serrî ez dewa Maratî de karê xo dewam kena. Ez bi no karî debara xo û domanan ê xo kena."

 

'Cinî êdî semedê heqê xo hîna têkoşîn kena'

 

Eytane peynîya qalîkerdişê xo de wina va: "Tena karê mitbaxî  nê, her kar destê cinîyan ra yeno. Her wext cinî bi karê keye û weykerdişê domanan ameyne naskerdiş, labelê dimayê şorişê Rojawanî û vilabîyayîşê fikr û felsefeyê Rayber Apo êdî cinî koletî û teda ra vejyayî û heqê xo qezenc kenê. Cinî êdî semedê heqê xo hîna têkoşîn kenê."