MERKEZÊ XEBERAN- Dimayê Kampa multecîyan ê Şehîd Rustem Cûdî ke Mexmûr de ya, hewa ra amî bombardumankerdiş û cigêrayîşê ke ameyî kerdiş peynî bî. Hemverê hêrişê ke ame kerdiş NY û îdarekarê Bexdayî bêvengîyê xo pawenê û semedê kesê ke netîceyê hêrişî de cuya xo vinî kerdî, ewro do kampe de merasîm bêro viraştiş.

 

Kampa Penaberan ê Maxmûrî, bi nameyê Şehîd Rustem Cûdî ke mîyanê sînorê başûrê Kurdistanî de ya û hewa ra amî bombardumankerdiş, cigêrayîşê ke ameyî kerdiş qedîyayî. Dimayê hêrişê ke ameyî kerdiş, awanîyê ke Hêzê Pawitişî yê Mexmûrî ameyîbî bicakerdiş erdî dir bî yew û keyeyê siwîlan zî hêriş ra zirar dî. Cigêrayîşê ke dimayê hêrişî ameybi destpêkerdiş, hetê ser ê siba de peynî bi. Dermankerdişê 7 kesê ke ameyî birîndarkerdiş dewam keno, la derheqê merdan de hîna ti îzahatê fermî nêameyo dayîş. Goreyê zanayîşê ke selahîyetdarê  Meclise ê Şarê Mexmûrî ame girewtiş, ame dîyarkerdiş ke do ewro semedê kesê ke cuya xo vinî kerdê kampe de merasîm bêro viraştiş. Bernameyê merasîmî do mîyanê roje bêro dîyarkerdiş.

 

Îdarekarê Bexdayî bêveng o

 

Çimeyê mintiqaya Mexmûrî dîyar kerdî ke hêrişê teyareyê keşfî ser mintiqa de perayê. Heto bîn ra derheqê hêrişo ke mîyanê sînorê hewayî Iraqî de ameyo kerdiş de Îdarekardoxê Bexdayî hema ti îzahat nêdayo.

 

NYî îzahat nêda

  

Heto bîn ra zî derheqê Kampa Mexmûrî ke girêdayê Neteweyê Yewbîyayeyî (NY) ti îzahat nêdayê û bêvengîyê xo pawenê.