Cinîyê Kurdan metropolan de zî dest cil û belgê xo ra vera nêdanê
- 11:30 7 Kanûne 2017
- NAROJANE
Fîlîz Zeyrek
EDENE - Cil û belgê netewîyê Kurdan zî sey ziwan û çî bin, hemverê polîtîkayê asîmîlasyonî xo ver dayî û cinîyê ke mecbur mendê koçê bajarê Çukurova bikerê zî dest cilanê xo ra vera nêdanê. Cil û belgê rengîn ê demê peyînan de sey propagandayê rêxistine yenê vînayîş, pêwa her çî cinî reyna zî danê xo ra.
Şarê Kurd bi seserran o, cuya xo ya rojane de bi cil û belgê xo yê neteweyî danê xo ra bale ancenê. Cinî fistan û sermil, camêrdî zî şal û şapik danê xo ra. Name û modelê cil û belgan goreyê mintiqa vuryeno, la sey cil û belgê neteweyî yenê qebûlkerdiş. Nê cil û belgî demê peyîn de sey unsurê sucî yenê qebûlkerdiş. Cinîyê Kurdî ê ke metropolan da cuyenê zî fistan û sermilan ê xo sindoqan de nimnenê.
Kesê ke dest kulturê xo vera nêdayê
2015an de 10in maddeya ‘Pakêta Asayîşî de’ şal û şapik sey ‘unîforma’ ameyê qebulkerdiş û halê ke bêro xoradayîş de ceza 6 aşman ra ameyne destpêkerdiş. La şal û şapik zî, fistan zî heme dawetan de yenê xoradayîş.
Cinîyê Kurdî ke serra 90 de semedê polîtîkayê koçberkerdişî koçê bajarê Tirkîya kerdê pêwa heme çî fek kulturê xo ra vera nêdanê. Cinîyê Kurdî bi taybetî zî Newrozan de dawet, nîşan û rojê taybetî de fistanê xo yê heybetînî danê xo ra.
Cinî wayîrê cil û belgê xo vejênê
Dimayê îlankerdişê OHALî ra dima cil û belgê sey ‘propagandaya rêxistine' ameyî hesibnayîş û no semed ra derheqê xeylê cinîyan de dewa ameya akerdiş. La pêwa heme çî, cinî wayîrê ci vejênê. Bi taybetî zî cinîyê Kurd ê bajarê Çukurova de cuyenê bi hewldayîşê asîmîlasyon û modernîzmî de cilê xo danê xo ra û beşdarê dawetan benê.
