MERKEZÊ XEBERAN - Goreyê rapoarê KCDPî aşma teşrîna peyêne ke bale anceno Qanûno Pawitişî ser, 27 cinî ameyî qetilkerdiş, 29 domanî ameyî îstîsmarkerdiş û 39 cinî bi şîdetê zayendî dir rî bi rî ameyê verdayîş.

 

Platformê Ma do Kiştişê Cinîyan Vindarnê (KCDP), raporê xo yê şîdetê aşma teşrîna peyêne eşkara kerdî. KCDPî bale ante ser ê Qanûno Pawitişî ke ganî şîdet asteng bikero û manşetê ke hîn organê çapemenî de derheqê nê qanûnî de bi sernameyê "keyeyan yewbînan ra dûr fînena" zî rexne kerdî.

 

Aşma teşrîna peyêne de 27 cinî ameyî qetilkerdiş

 

Raporo ke ame eşkarekerdiş de ame vatiş ke, ganî tena aşma 25ê teşrîna peyêne de nê, her roje hemverê şîdetê cinîyan ser tmkoşîn bêro kerdiş û ame eşkerakerdiş ke aşma teşrîna peyêne 27 cinî ameyî qetilkerdiş.

Dewamê raporî de dayeyê derheqê kiştişê cinîyan de wina ame parekerdiş: "Stenbol 4, Sakarya 3, Mêrsîn 3, Şirnex 2 û Antalya de zî 2 cinî ameyî qetilkerdiş. Cinîyê ke ameyê qetilkerdiş, 12ê xo keyeyê xo de, 5 zî kuçe de, 1 wesayît de, 2 zî nêzdîyê keyeyê xo, yew zî baxçe, 1 zî otobus de û yew zî qerax de ameyê qetilkerdiş. Heto bîn ra 3 yê bîn zî cayê ke ameyê qetilkerdiş cayê înan dîyar nîyo.

 

Cinîyê ke na aşma de ameyî qetilkerdiş, emrê înan de mabêne 25- 35 de vuryeno û sebebê qirkerdişê înan ra sera 75 semedo ke waştê mêrdeyê xo ra visyayê."

 

29 domanî bi îstîsmarê dir rî bi rî mendê

 

Goreyê raporê aşma teşrîna peyêne de 29 domanî bi îstîsmarî dir rî bi rî mendê. Ame eşkarekerdiş ke domanê ke îstîsmarî dir rî bi rî mendê. Ame eşkarekerdiş ke domanî bi îstîsmarê dir rî bi rî mendê hetê kesê rn nêzdîyê înan de yê ameyê îstîsmarkerdiş. Goreyê raporî 4 domanî mektebe, 6 zî keyeyê xo de û 6 domanî zî yurdê wendekaran de ameyê îstîsmarkerdiş.

 

39 cinî bi şîdetî dir rîbirî mendî

 

Goreyê raporê aşma teşrîna peyêne şîdetê 39 cinî bi şîdetî dir rî bi ri mendî û KCDPî raporê xo de dîyar kerdî ke cinîyê bi şîdetî dir rî bi rî mendê tena ameyê verdayîş û bi metodê xo hewl dayê xo, xo bipawê.

 

Dewamê raporî de ameyî eşkarekerdiş ke, çarçeweya Peymanê Stenbolî de netîceyê xoverdayîşê cinîyan ê bi rêxistinî de vetişê qanûno nukteya 6284an girîng o û cinîyan paweno.