AMED - Keyeyê Sûrîjan ke bi qerarê Heyetê Wezîran ame rijnayîş, keyeyan waşt ke bi Serekê Meclisî û Wezîrê Bajarwanî û Derûdorî dir Enqere de pêvînayîş bikerê. La waştişê înan ame redkerdiş.

 

Heyetê Wezîran 15 taxê qezaya Sûrî yê Amedî, derheqê 6 hezar û 300 parselî de qerarê "Îstimlaqê bi lezgîn" vet û dest bi rijnayîş kerd. Roja ke rijnayîş dest pêkerdo heta nika, hemwelatîyê taxe hemverê rijnayîşî nêrazîbîyayîşê xo mojnenê ra, wazenê ke demêke lezgînî nê rijnayîşî bêrê vindernayîş. Semedê no heyetêke 11 kesan ra amebî viraştiş Sûr de amî awankerdiş û şî Enqere.

 

Verfekê kome Mehmet Çelîkî, dîyar kerd ke waştişê înan semedê keyeyê Sûrî zirar dîyê estê û nê çî vatî: "Ganî rijnayîş bêro vindernayîş. La cayê keyeyê ke ameyê rijnayîş, keyeyê newe bêrê awankerdiş û ê keyeyan bi vayîke feydeyîn bidê hemwelatîyan û ê bi xo tede binişnê ro. Reyna wextê pêrodayîşan de xeylê çîyê hemwelatîyan zirar dîyê, ganî dewlete nê zerarî zî bido."

 

Heyetê Sûrî yê 11 kesan ra ameya meydan, waştî ke bi Serekê Meclisê Îsmaîl Kahraman û Wezîrê Bajarwanî û Derûdorê Mehmet Ozhesekî dir pêvînayîş bikerê. La di wezîran zî waştişê pêvînayîşê yê heyetê Sûrî red kerd.