Evrîm Kepenek

 

STENBOL - CÎSSTî ra Berîvan Korkute dîyar kerde ke hûmara hepsîyê nêweşan, ro hepisxanan de xeylê zêde yê û dîyar kerde ke hepisxanan de krîz esto la çareserî çin o.

 

Dimayê hewldayîşê darbeyê 15ê Temmuze û OHALî ra dima hûmara hepsîyan her ke şino hîna zêde beno. Heto bîn ra hûmara hepsîyê nêweşan zî zêde yo. Goreyê Komîsyonê Cigêrayîşê Heqê Merdiman ê TBMMî, Gulana 2017 ra heta nika 221 hezar û 607 kes hepisxaneyan de yê. Nika 76 hepisxane merheleya înşîaatî de yê. 113 hepisxaneyî zî merheleya projeyî de yê.

 

Goreyê raporê Komeleyê Heqê Merdiman zî 400 hepsîyê nêweş estê û  halê înan her ke şino xirab beno.

 

 'Hûmare zêdeyîn a'

 

Komeleyê Komelê Sivîl ê Sîstemê Înfazê Ceza (CÎSST) Berîvan Korkute da zanayîş ke hûmara hepsîyê nêweşan tam nîno zanayîş û va goreyê raporê ÎHDî ke tena hepsîyê sîyasî zere de yê, hûmara hepsîyê nêweşan ra zêdeyîn o.

 

Berîvane va çarçeweya qanûnê girewtişê zanayîşî de muracatê wezareta dadê kerdê, la cewab nêgirewtê û va dimayê OHALî zêdebîyayîşê hûmara hepsîyan zî şert û mercê weşîye zî ameyê merheleyê krîz î.

 

Berîvane ard ziwan ke hepsîjan nameyê ke derheqê eynî problemê ke yenê cuyayîş de gênê û qiseykerdişê xo wina dewam kerde: "Nêweşê ke ganî derman bigîrê estê. La semedo ke nêeşkenê şêrê doktor, dermanan nêeşkenê bidê nuştiş. Semedo ke hûmara hepsîyan zêde bena, doktorî zî semedê nêweşan nêeşkenê bibê cewab û problemî yenê cuyayîş. Doktor çiqas baş bo zî hûmara nêweşê ke biewnîyo ci ra dîyar o. Hûmara hepsîyan zêde beno, la ne hûmara rîngan û ne zî doktoran zêde beno. No problem her ke şinê zêde benê. Hepisxanan de krîz esto la çareserî çin o.

 

Bêrîvane dîyar kerde ke Tirkîya de hepisxaneyê en zêde problem tede yeno cuyayîş hepisxaneyê Bolu, îzmîr, Tarsûs û Tekîrdagî yê.