ÇEWLÎK - Warê daristanê Yenî Mahaleyî verê ke çîyêk bêro vatiş, yeno çinkerdiş. Hemwelatîyê taxe ra Zeynep Sonmeze dîyar kerde ke xeylê darî ameyî birnayîş û îdia kerde ke Walîyê bajarî hemverê nê qirkerdişê ekolojîkî bêveng o.

 

Yenî Mahale yê Çewlîkî de warê daristanan de verê îzahatê fermî bêro dayîş yeno texrîbkerdiş. Hemwelatîyê taxe birnayîşê daran Walîyê Çewlîkê Alî Manti berpirsîyar vînenê. Hemwelatîyê taxe danî zanayîş, karkerê ke şîyê daran bibirnê vatê ‘ma walî ra destûr girewto'. Hemwelatîyê taxe ardî ziwan ke, wazenê bajar bêdaran verdê.

 

Hemwelatîyê taxe Zeynep Sonmeze ard ziwan ke ê prosesêke texrîbatê ekolojîk zêde yenê cuyayîş de derbaz benê û wina va: "Beno ke zanayîşê Walî ci ra çinbo. Derheqê babete de zî îzahatêke nêameyo dayîş. Gelo ‘walî birnayîşê daran raya pêroyî rê nimneno'. Eke nênimneno çira vernîye nê çî nêgîno. Bi ameyîşê zimistanî daran birnenê. No tesaduf nîyo. No war pêroyî de cayo ke pêrodayîş yeno cuyayîş o. Sebebê ci baş yeno famkerdiş."