AMED- Besîme Narîne dîyar kerde ke ser ê kerrayê gorê lajê aye ke Rojawan de cuya xo vinî kerdo, ê Goristanê Yenîkoy Asrî, kerrayêke newe ameyo zêdekerdiş û va: "Nê çîyê ke ameyê kerdiş nînê qebulkerdiş. Gerek no gor demêke kilm de açarnê halê verî."

 

Lajê Besîme Narîn, Alî Narîn (Dilşad Amed) 2013 de, Rojawan de şerê hemverê DAIŞî de cuya xo vinî kerd. Besîme 10 aşmî semedo ke cenaze bigîro têkoşîn kerde. Netîceyê têkoşînî de lajê xo ard ser ê herre xo de defin kerd. La na rey zî hemverê hêrîşê ser ê goran têkoşîn kena. Kerrayê gorê Alî Narîn ê Goristanê Yenîkoyî yê Asri, nêame şiktiş la kerrayêke cîya dayî vera ci. Besîme va do qetî qebul nêkerê.

 

Besîme dewamê qiseykerdişê xo de da zanayîş ke nê hêrîşê hemverê erjê şarî nînê qebulkerdiş û va: "Mi zî sey heme keyeyê şehîdan gorê lajê xo goreyê zerrîya xo viraşt. Mi name, peyname û şiîrêke qij nuştib. Fotografêke zî bi. Kerrayê gorê lajê mi nêameybî şiktiş. Kerrayêke bîn ardê kerdê vera ci. Ma nê nefret û kînî fam nêkenê.

 

Besîme da zanayîş ke ti heqê înan çin o ke nê dejan bi înan bidê antiş û do dejê înan de dej zêde bikerê.