Medîne Mamedoglu

 

MÊRDÎN - Avûkat  Cemîle Turhalliye qiseykerdişê xo de dîyar kerde ke badê ke qanûnê miftiyî ame, gama yewin yê miftîyan o bi ke cinîyan tecawizkaranê xo reyde bido zewecnayiş. Cemîle Turhalliye dewamê qiseykerdişê xo de zî bale ante rewşa welat ser û va; bi qanûnanê winasî, welat agêrayo wextê qaanûnê Şeyh-Îslamî.

 

Badê ke wezîfeyê mehrbirnayişî dîya miftîyan xeylê reaksîyonî virazîyayî û reaksîyonê qanûnê mehrbirmayişê miftîyan hema zî dewam kenî. Avûkat Cemîle Turhalliye qala qanûnê mehrbirnayişî kerde û dîyar kerde ke gama yewin yê miftîyan o bi ke cinîyan tecawizkaranê xo reyde bido zewecnayiş û hedefê qanûnan esasê xo de amedekarîya ameyoxî yo.

 

‘Partîya îqtîdarî wazeno ke bi lez û bez qanûnî bikero merhela’

 

Cemîleye derheqê qanûnê miftîyî de hetê huqûqî de zanayişan da û qiseykerdişê xo de wina va: “Bi qebulkerdişê qanûnê mehrbirnayişê miftîyan ra dima komeleyê ke gureyê zewecnayişî  bikerî ameybî dîyarkerdiş. Heto bîn de zî a baş zanê ke miftîyê qezayan zî piro ameybî zêdekerdiş. Wexto ke merdim wina biewno, no qanûn sey qanûnêko say û pak yeno dîyiş. Mîyanê AKPyî de cinîyek  vejîya û wina va ‘komara osmanîyan sey reklam a, bi qanûnê miftîyî welat agêreno wextê Şeyh-Îslamî’. Ma çapemenî ra dîyî ke partîya îqtîdarî, wazeno ke bi lez û bez qanûnî bikero merhela.”

 

‘Seba qanûnê tecawizî amadekarî yeno kerdiş’

 

Cemîleye peynîya qiseyekerdişê xo de zî qanûnê serra 1926î ard vîre û wina qedênaye: “Ameyişê no qanûnî re, wedarnayişê Qanûnê Medenî yê serra 1926î ameyo îlankerdiş. Qanûnê mehrbirnayişê miftîyî û sereraskerdişê sewbîna seba zewecnayişê tecawizkaran ameyo amadekerdiş. Nê qanûn û sererastkerdişî bi tehlukeyî. Ganî cinîyî vera nê qanûnan de têkoşin bidî.”