Îlham Eloso

 

KOBANÊ - Wextêke derg o ke ti xebere derheqê Rayberê PKKî Abdullah Ocalanî ra nîna girewtiş. Derheqê tecrîdo giran de şêwirmenda warê perwerdeyî Meqbûle Bekî ewnîyayîşê xo ard ziwan.

 

Semedo ke derheqê halê Rayberê PKKî Abdullah Ocalanî de ti zanayîş nîno girewtiş û en peynî zî ser ê weşîya ey de, zanayîşê ke zelal nîyê medyaya komelkî ser ameyî parekerdiş. Şarê Kurdî çar parçeyê Kurdistanî û li Ewropa de dest bi çalakîyan kerdî. Çalakî û grevê ke semedê tecrîd ser ê Abdullah Ocalanî wirzo û azad bibo hema dewam kenê. Têkildarê babete ser o, şêwirmenda warê perwerdeyî Meqbûle Bekî ewnîyayîşê xo ard ziwan. Meqbûle dîyar kerde ke tecrîd serê Abdullah Ocalanî ganî bi lezgînî peynî bo û wina va: "Rayber Apo îrade û hêzê Şarê Kurdan o. Ma heme Kürdî semedê dinyake huzûrîne azadîya Rayberê xo wazenê."

 

'Heta ke Abdullah Ocalan azad nêbo ma do çalakîyê xo dewam bikerê'

 

Meqbûle bale ant ser ê tehlukeyê cuyayîşê Abdullah Ocalanî û wina dewam kerde:"No bi di aşmîyo, çalakîyê semedê halê Rayberê ma dîyar bibo dewam kenê. Halê weşîya Rayber Apo de zerrîya ma hemine bi guman o. Ma bi lezgînî wazenê ke derheqê weşîya Rayberê xo de zanayîşêke zelal bigîrê. Heta ke zanayîşêke zelal Rayber Apo ra bêro girewtiş do şarê Kurdî her dem mîyanê tevgerî de bê."

 

'Şarê Kurdî Vakurê Sûrîye de gamêke tarîxî eşt

 

Meqbûle peynîya qalîkerdişê xo de wina va: "Şarê Kurdî Vakurê Sûrîye de gamêke tarîxî eşt û federalîyê xo îlan kerd. No prosesî de Şarê Kurdî milekê de dişminê xo dir şer keno û milêke bîn de zî îradeyê xo xurt keno. Ewnîyayîşê Rayberê Şarê Kurdî Abdullah Ocalanî semedê nê serkewtişî bingeh awan kerd. Ma do zî heta peynî rêçe Rayberê xo ser şêrê."