Safiye Alagaş

 

ŞIRNEX - Îdanameyê derheqê Hemşaredara Hezexî Nevîn Gîrasun ke tewqîfkerde yena hukmkerdiş, 15 aşmî ra dima amadekerdiş û hetê 3in Dadgeha Cezaya Giran ya Şirnexî ra ame qebulkerdiş. Îdianame serê îfadeyê şahidê nimte ameyê îmadekerdiş û yeno îdîakerdiş Nevîne îdarekara  YPS-JINî ya.

 

Hemşaredara Hezexî Nevîn Gîrasun 20ê Êlule 2016 de wezîfe ra ame durvistiş û 15ê Tebaxa 2016 de zî eştişê keyî ser de amî tepiştiş. Nevîne 9 rojan tepişnayî mende û amî tewqîfkerdiş. Îdîanemeyê derheqê pêwa Nevîne 16 kesî ameyî amadekerdiş û pêşkêşê dadgehe ame kerdiş. Heyetê dadgehe îdianame bi sebebê têkilîyê mabêne 16 kesê bêro eşkerakerdiş neqlê dozgerî kerdî. Îdianame hetê dozgerî ra newe ra ame amadekerdiş de hetê 3in Dadgeha Cezaya Giran ya Şirnexî ra ame qebulkerdiş. Îfadeyê şahidê nimte îdianame ca gêno.

 

CD û kitab delîlê sûc ameyî hesibnayîş

 

Îdianame de telefonê eştişê serê keyeyî de ame destserkerdiş, afîşê DBPî, CD û DVD û bruşorê şaredarî û kitabê sey delîlê sûc ameyî hesibnayîş.

 

Rayberê YPS-JIN...

 

Îfadeyê Nevîne tepiştiş de zî îdianameyê de ca girewt. Nevîne heme îdia red kerd. Şahidê nimetî bi nameyê Z.T, Dolunay, Hîlal, Turkuaz, Bulut zî îdia kerdî ke Nevîne hetkarî dayo rêxistine. Reyna goreyê îfadeyê şahidê nimte Nevîne yew zî îdarekerdişê berz yê YPS JINî ya. Dozgerî îdîa kerd ke Nevîne îdarekara rêxistine ya.

 

Derheqê Nevîne de di rey bi sebebê ‘endamîyê rêxistine’ 10 serran heta 20 serran cezaya hepisxaneyê yeno waştiş. Nevîne serrêke de surgunê çar hepisxaneyan zî amî kerdiş. Roniştişê  Nevîne  21ê Kanûne de 3in Dadgeha Cezaya Giran ya Şirnexî de amî vînayîş.