Cinîyê PYDyijî: 27ê Teşrîna Peyêne semedê ma rojêke pîroz o

  • 13:38 27 Teşrîna peyêne 2017
  • NAROJANE
Felek Mûsa
 
QAMIŞLO - Endamê Cinîyê Eyaletê Dêrikî ke mîyanê  Partîya Yewîtîya Demokratîk de cayê xo gênê, 40in serrgera Partîya Karkerê Kurdistanî (PKK) pîroz kerdî û vatî: "Serkewtişê şorişê Rojawanê Kurdistanî eserê têkoşînê 40 serrî PKKî yo."
 
Partîya Karkerê Kurdistanî 27ê teşrîna peyêne kono 40ine sergerra xo, têkilîyê babete ser cinîyê Eyaletê Dêrikî Ranîda Xelîl û Endama Îdarekarîya Cinîyê ê PYDî Nesrîn Tahir nerînê xo ard ziwan.
 
'Ma bi hawayê azad vanê ma kurd ê'
 
Endama Îdarekarîya Cinîyan ê PYDî yê Eyaletê Dêrikî Ranîda Xelîl têkildayîşî 40in sergerra PKKî de hîsê xo wina ardî ziwan: "Ez na roja pîroz ro heme şehîdan û Serek APO pîroz kena û ma roja 27ê Teşrîna Peyêne vîr anê. Semedo ke rojêke pîroz o semedê ma. Destpêkê awankerdişê Partîya Karkerê Kurdistanî (PKK) ma heqê xo yê azadî bi dest kerd, bi felsefeyê Rayberê Şarê Kurd Abdullah Ocalanî dir ma heqê xo nas kerd û ma têkoşînê ey dewam kerd. No semed ra ma cinîyê Kurd, Ereb û Suryanî na roje pîroz vînenê. Bi keda şehîdanê şorişî û bi keda Rayber APO ma resayê na merhala ke ma azad vanê ma kurd ê."
 
Ranîda dewamê qalîkerdişê xo de wina va: "Serkewtişê şorişî Rojawanê Kurdistanî eserê têkoşînê 40 serrî PKKî yo. Heto bîn ra ma bi têkoşînê YPGî û YPJî resayê na merhalaya serkewtişî. Semedo ke ma wayîrê nê serkewtişan vejîyê û ma wayîrê têkoşînê şerwanê azadî vejîyê, ez veng dana heme cinîyan ke vengê xo bidê sîstemê Netewê Demokratîk. Semedo ke Netewê Demokratîk temsîlkarîya ma keno."
 
'Ez na roje şarê Kurdan rê pîroz kena'
 
Eynî wextî de Endama Îdarekarîya Cinîyê PYDî Nisrîn Tahir zî roja 27ê Teşrîna Peyêne temamê şarê kurd û heme cinîyan pîroz kerde û wina va: "Ez na roja pîroz şarê Kurd, temamê cinîyê Ereb, Sûryanî û cinîyê dinya pîroz kena. Bi têkoşîn û xebata 40 serrî yê PKKî ma resayne na merhala û bi fedekarîyê şehîdê no şorişî ewro ma azad cuyenê. Cinî zî bi na roje ya zî bi fikr û ramanê Rayber Apo dir rolê xo yê komelî de bi hawayoke aktîf kay kerd û ewro temamê sazgehan û warê leşkerî de cayê xo gênê. No semed ra na roje  Rayber Apo zî pîroz kena."