Fîlîz Zeyrek

 

EDENE- Beylîn Durmaza ke dimayê teqawît bî, bi berardişê ke kulavan ra kena û roşena debara xo kena û dîyar kerd ke berardiş semedê heme cinîyan girîng o.

 

Beylîn Durmaza bazarê ke semedê cinîyan qezaya Çukurova yê Edene ameyo tahsîskerdiş bi kêna xo dir berardişê kulavan viraznena û roşena, bale ancena girîngîya berardişî ser. Beylîn dimayê ke ya teqawît bena dest bi viraştişê berardişê kulav kena û dîyar kena ke no halî bixo bawerbîyayîşê aye zî zêde kerdo û veng dana cinîyan: "Wa cinî teqez berardiş bikerê."

 

'Berardiş aîdê ma yo'

 

Beylîne da zanayîş ke dimayê ke teqawît bîya zî dest bi xebate vera nêdayo û wina va: “Keye de semedê wextê xo yê veng çîyêk bikerê, mi dest bi berardiş kerd. Dima ra mi bi kêna xo dir karê xo zêde pîl kerd. Bi serrêke no karî kena. Ma şî qursê şaredarî. Berardişê ma zaf yenê ecibnayîş. No zî ma kêfweş keno. Ma hacetê  xemlî yê tewir bi tewir viraznenê."

 

'Cinîya xebityena her wext serkewtî ya'

 

Beylîne ard ziwan ke beno ke ma zehmetî biancê la xeylê kêfweş a û wina va: “Xeylê zehmet o la ma karê xo ra hes kenê. Ma berardişê xo erjan roşenê. Ez xebate heme cinîyan rê pêşniyar kena. Cinîya xebityenê her wext serkewtî ya."