Lîlav Elî-Fîdan Rêzan

 

EFRÎN – Hemsereka PYDyî Ayşe Hisoye derheqê 25ê Teşrîna Peyêne Roja Têkoşînê Vera Şîddeto ke Cinîyan ser de esto de qisey kerde û va: “Bi rihê têkoşînê cinîyan do azadîye ser bikewa. Camêrdo desthilatdar wazeno ke cinîyî sîyasetî ra dur bibî. YJPyî heyfê 5 hezar seran girewt û onirê cinîyan xelisna”

 

Sey ke yeno zanayiş 25ê Teşrîna Peyêne sey Roja Têkoşînê Vera Şîddeto ke Cinîyan ser de esto, yeno pîrozkerdiş û vera şîdete de çalakî û organîzasyon yenê viraştiş. Hemsereka Partîya Yewî ya Demokratîk (PYD) Ayşe Hisoye derheqê 25ê Teşrîna Peyêne Roja Têkoşînê Vera Şîddeto ke Cinîyan ser de esto, qisey kerde û vînayişê xo arde ziwans ser.

 

Hemsereka PYDyî Ayşe destpêkê qiseykerdişê xo de dîyar kerde ke bi rihê têkoşînê cinîyan do azadîye biser bikewa û wina dewam kerde: “Roja ke cinîye vengê  xo biveca do vernîyê azadî û aştîye biaba. Tarîxa kurdan bi serewedarnayişê cinîyan dekerde yo. Tarîx de rola cinîya kurd xeylê muhîm o û vera şîdetî de sere nêronayî. Cinî her wext wayîrê kedêka pîl a û awankerdox a.”

 

Cinîyan kerdî kole

 

Ayşe dewamê qiseykerdişê xo de zî wina va: “Sîstemo serdest yê desthilatdaran û fehmê camêrdan, cinîyan merheleya îlaheye ra fîna merheleya koletî. Camêrdo serdest û desthilatdar heme çîyê dayika îlaheye aye ra dizîna û goreyê menfîetanê xo da xebitna. Camêrdo serdest wazeno ke cinîyan bikero haletê cinsî û bixebetno. Cinîyê ke vera koletî de sere nêronayî, raştê heme tewir îşkenceyan ameyî. 25ê Kanûne do biba omidê berzkerdişê têkoşînê cinîya.”

 

Ganî xo bipawî

 

Ayşe qiseykerdişê xo yê peyênan bale ante rola cinîyan ya sîyasetî mîyan de û wina va:  “Cinîyî hîna zêde eşkenê azadî, sîyaseto raşt û kolemo polîtîk  awan bikerî. Cok ra fehmo desthilatdar yê camêrdan yewîya cinîyan qebul nêkeno û wazeno ke cinîyî sîyasetî ra dur bibî. YJPî şorişê Rojawanî de heyfê 5 hezar seran girewt. Xoverdayişê YPJyî onirê cinîyan xelisna. YPJî bi felsefeya Rayberê Şarê Kurd Abdullah Ocalanî ser kewt û duştê çeteyanê DAIŞî de têkoşînêk pîl da meşnayiş. YPJyî vera koletî û qirkerdişan de sere wedarna. Ganî heme cinîyî vera şîdetî de bibî yew û xo bipawî. Seba ke zilm û zordarî ser nêkewo, wa cinîyî omidê xo vînî nêkerî. Hêvîya cinîyan bingeyê komelî ya.