Îlham Eloso

 

KOBANÊ - Medya Ararata ke dewaya tevgerê azad de cuya xo vinî kerde, maya aye bi hîsê xo têkoşîn qalî kerde û va: "Semedo ke kêna mi rayîrê dewaya xo de vindertişêke pîroz mojna ra û cuya xo vinî kerdî ez bi kêna xo serberz a."

 

Medya Ararata ke adara 1991ê de dewa Xurxurîyê Rojawanê Kobanî de maya xo ra bî û rayîrê dewaya azadî de cuya xo vinî kerde. Maya aye Nehîda Hemo derheqê cuyayîşê aye de hîsê xo ard ziwan û wina va: "Medya ewnîyayîşêke têkoşînê cuyayîşî bî."

 

Medya Ararat kênaya pîl a keyeyî bî, hîrê wayê û şeş birayê ci bî. Aye wendişê xo yê sereyîn de dewa xo de qedêna, dima ra bi wayê û biranê xo dir Koban û Heleb de mektebe qedêna. Bi qasê heskerdişê wendişê xo en de zî waştêne şêro ko zî. Medya destpêk de cayê xo mîyanê kultur û hunerî de girewte û her wext waştişê xo yê şîyayîşê koyan embazanê xo rê ardêne ziwan. Serra 2012 de ser ê rêçe dewaya xo de beşdarê perwerde bî. Dimayê ke perwerde qedêna beşdarê şerê Girê Spî bena. Dima ra zî Girê Spî ra verê xo dana sînorê mabêne Vakur û Rojawanê Kurdistanî ke derbazê ko bibo û serê sînor de hetê dewlata Tirkan ra yena tepiştiş. Medya di serrî hepisxaneyê dewleta Tirkan de manena. Dimayê ke hepisxane ra vejêna reyna şina ko û 22ê teşrîna peyêne 2016 de Koyê Zapî de cuya xo vinî kena û uca de bi merasimêke yena oxirkerdiş.

 

'Oxirê dewaya xo de têkoşîn pîroz o'

 

Maya Medyaye Nehîda Hemo dîyar kerde ke oxirê dewa xo de têkoşîn pîroz o û wina va: "Kêna mi Medya, kênake zaf jîyatî bî. Waştişê aye her wext o bi ke bireso amancê xo û semedê dewa û amancê xo têkoşîn kerdêne. Medya zaf mi ra hes kerdêne, no semed ra tîyatro de her dem babeta mayan ser girewtêne dest. Wexto ke Medya kewte hepisxaneyê Tirkîya, vatişêke kerd û ez zaf binê bandure de menda. Vatişê aye no bi, 'Kobanê wa azad bibo, ez roşnîya çimê xo vinî bikerî."

 

'Medya çîrûskêke umîdê cinîyanê serberzan bî'

 

Nehîda dîyar kerde ke dewleta Tirkan nêverdayne ke kêna xo bivînê û wina va: "Dewleta Tirkan verdayne ke her kes domananê xo bivînê. La ez bi kêna xo serberz a, semedo ke ma bi amancê xo yê çinkerdişê dişmînî şehîd bî û ganê xo feda kerd. Medya semedê no amancî ya zî çinkerdişê dişminê ma têkoşînêke bêhempa kerd. Aye çîrûskêke umîdê cinîyanê serberzan bî."

 

'Ganî heme cinîyê Kurdî rayîrê azadî de têkoşîn bikerê'

 

Nehîda wina peynîye qalîkerdişê xo ard: "Semedê cuyake azad û xoser ganî heme kesî têkoşîn bikerê. Cinîyê Kurdî qetî bejna xo hemverê dişminê xo nêtewênenê û do nêtewnê. Ganî heme cinîyê Kurdî rayîrê azadî de têkoşîn bikerê."