Gulîstan Azak

 

MELETÎ - Taxa Cemal Gurselî kuçeyê Gokalpî de keyeyê 13 elewîyan hetê kesê nasnameyê înan nêdîyar ra ameyî nîşankerdiş. Keyeyan dîyar kerdî ke no çiyê ke newe nîyo û vatî balkêş o ke polîsî verê înan hedîse ra xeberdar bîyê.

 

Meletî de vizîrî 13 keyeyê Elewîyan ameyî nîşankerdiş. Hemwelatîyê taxe dîyar kerdî ke polîsî ser ê siba ra ameyê keyeyê înan û cigîrayîş kerdê û wina dewam kerdr: "Zanayîşê ma nîşankerdişan ra çinbi. Polîsî serê siba rew ameyî û derheqê babete de zanayîş dayî. Balkêşo ke polîsî verê xeberdar bîyê. Ma winî fikirênê ke no hetê polîsan ra ameyo kerdiş. Ganî no hal bi lezgînî bêro roşnkerdiş.

 

Elîf Dedeogluya 60 serrî da zanayîş ke bi lezgînî kesê ke pey hedîsedeyê vejîyê orte û qiseykerdişê xo winî dewam kerde: "Ma Elewî bi merg yenê tehdîdkerdiş. Vanê qey do bi nîşankerdiş ma bitersnê. Ma do na taxe de bê û ma do nêşê rê cayêk bîn. Hewl danê ma bi ters bêveng bikerê. La ma nêtersay û nêtersenê."

 

'Ma polîsan ra musay'

 

Goncagul Mîlîsa 29 serrî zî reaksîyon hemverê hedîse da û va polîsî ser ê siba ra ameyê keyeyê înan û nîşankerdişê keyeyan înan ra musay û va ganî selahîyetdarî bi lezgînî bikoy mîyanê tevgerî.

 

'Ma nê çî heq nêkenê'

 

Fatma Gungur (70) ard ziwan ke amanca înan o yo ke Elewîyan mîyanê komelî de demxe bikerê û wina va: "Serê sibay polîsan da bera ma ro. Vatî 'berayê şima ameyê nîşankerdiş' mi ewnîya ke heme bera ameyê nîşankerdiş. Ma Elewî nê çî heq nêkenê. Polîs ameyî verê berayê ma. Înan verê ma da zanayîş ke beray ameyê nîşankerdiş. No zî sereyê ma de pers ard meydan. Eke verpisyarî nêvejîyê meydan verpirsîyarê ci hukmat o."

 

Yuksel Kaline (60) zî ard ziwan ke nîşankerdişê keyeyê Elewiyan ra polîsî verpirsyarê û va: "Ma her roje hedîseyêke eşnawenê. Keyeyê cemî veşnayî. Xeylê bajaran de keyeyê Elewîyan nîşan kerdî. Wa êdî nê caardişî peynî bibê. Se beno wa bibo ma do fek têkoşîn û nasnameyê xo vera nêdê."