Duygu Erol

 

ENQERE – Wezîra Polîtîkayê Keye û Komelî Fatma Betul Sayan Kaya raporê butçe û planî yê 2018î aşkera kerde. Rapor de ala faalîyetê wezaretî yê serra 2002î ra heta 2015î yeno kerdiş û qala hemşaredarê ke ameyî tewqîfkerdiş û komeleyê ke ameyî padayiş nîno kerdiş. Çarçeweya ‘cinîya bihêz, keyeyo bihêz, komelêko bihêz’ de cinîyî keyeyan de ameyî hepiskerdiş.

 

Fatma Betul Sayan Kayaye 13ê teşrîna peyêne de TBMMyî de Komîsyonê Plan û Butçe de ca girewt û butçeya serra 2018î aşkera kerde. Wexto ke merdim ewneno raporo ke 187î ripelan rap ê yeno, serra 2002î ra heta nika, ma vînenê ke startê seyyewbînîyê zayendî zêde bîyo.

 

Qetilkerdiş zêde bîyo

 

Goreyê zanayişan îqtîdarîyê AKPyî de zî humara qetilbîyayişê cinîyan sera hezar û 400 zêde bîya û 15 serran de bi hezaran cinîyî raştê şîdetê camêrdan ameyî û hetê înan ra ameyî qetilkerdiş. Heto bîn de cinê ke pawitişê dewlete girewtî zî bi hawayo asan ameyî qetilkerdiş. Nuşteyê 187 ripelan de ma vînenê ke cinî keye û ewnayişê domanan de emeya sînorkerdiş.