Şehrîban Aslan

 

AMED - Her çiqas qayûm tayînê şaredarîyê DBPî bibê zî û îradeyê şarî bêro xespkerdiş zî xebatê Komîsyonê Îdarekerdişê Mintiqaya DBPî dewam kenê. Heme bajar û her qeza ke qayûm ameyo tayînkerdiş,  DBPe kombîyayîşan virazneno û mojneno ra ke îdarekerdişê mintiqa tena bê şaredarî de nîno kerdiş.

 

Endamê Komîsyonê Îdarekerdişê Mintiqaya ê DBPî ê Hedîye Karaaslan da zanayîş ke qayûm tayînkerdiş îradeyê şarî rê kerdo û va ke şar hemverê nê zaf bi hêrsîn o. Hedîye da zanayîş ke heme cayê şaredarîyê înan bîyê sey Komîsyonê Îdarekerdişê Mintiqaya ê DBPî şarî dir kombîyayîşan kenê.

 

'Bi di hewte yo ma kombîyayîşan viraznenê'

 

Hedîye ard ziwan ke sey DBPî aşma Temmuze de kongreyê xo viraştê û Komîsyonê Îdarekerdişê Mintiqa awan kerdê û wina va: "Nê kombîyayîşan de tay qerar ameyî girewtiş. 11ê êlule 2016 de qayûm tayînê şaredarîyê ma ame kerdiş. 102 şaredarîyan qayûm tayînê 94 şaredarîyan ame kerdiş. Hemşaredarê ma ameyî durvistiş û girewtiş. Qayûm eşkeno bêro tayînkerdiş la îradeyê şarî weçînayîşê yê. Ma sey komîsyon kombîyayîş viraştêne. Bi di hewteyo ma reyna kombîyayîşê xo viraşt."

 

'Şar vet meydan ke qayûm nas nêkenê

 

Hedîye da zanayîş ke hedefê înan sereyîn o yo ke her 112 cayê şaredarîyê înan estê kombîyayîş viraznê û wina va: "Ma 25 cayan de kombîyayîş viraşt. Kombîyayîş zaf girîng bi. Kombîyayîş bi şîroveyê prosesê sîyasî dewam kerd. Ma netîceyê şîroveyan dr dî ke şar prosesê senîn taqîb kenê. Şar vet meydan ke qayûm nas nêkenê." 

 

Hedîye peynîye qalîkerdişê xo de ard ziwan ke prosesî de nêzdîbîyayîşêke xorexnekerdiş babeta vatişîyo û va do netîceyê kombîyayîşan bivurnê û plananê xo viraznê.