Sorgul Şêxo

 

TILTEMIR - Hemsereka Tevgerê Kultur û Hunerê Demokratîk Xelat Hisên tecrîdê serê Rayberê PKKî Abdullah Ocalan şermezar kerd û va: "Ganî îradeyê şarê Kurdan Abdullah Ocalan azad bibo."

 

Rayerê PKKî Abdullah Ocalan bi 19 serrî yo ke esîr ameyo girewtiş û 27ê Temmuza 2011 ra heta nika dewleta tirkan nêverdena ke pêvînayîş virazyo. Derheqê xetereyê cuyayîşê Rayberê şarê Kurdî Abdullah Ocalanî de Hemsereka Tevgerê Kultur û Hunerê Demokratîk Xelat Hisên dîyar kerde ke ganî bi Abdullah Ocalanî dir pêvînayîş bêro kerdiş û wina va: "Rayberê Şarê Kurdî Abdullah Ocalan bi serran o ke semedê azadîya şarê Kurd têkoşîn keno. Beno ke zere de bo la o bi fikr û zanayîşê xo ma dir o."

 

'Rayberê Şarê Kurdan Abdullah Ocalan çirûskê xelaskerdişê bindestî yo'

 

Xelate derheqê tecrîdî de wina va: "Waştişê komplogeran o bi ke îrade û hêzê şarê Kurd bişiknê. La nê çî nêameyî meydan û hîna zêde kîne her çar parçeyê Kurdistanî de fikir û zanayîşê Rayber Apo vila bi. Çunke Rayberê şarê Kurdan Abdullah Ocalan çirûskê xelaskerdişê bindesti yo."  

 

'Ma do her merheleyê têkoşînê xo yê semedê azadîya Brêz Ocalan berz bikerê'

 

Xelate peynîya qalîkerdişê xo de wina va: "Senîn ke Serok Apo semedê azadîya cinîyan wişt we û têkoşîn kerd, ma do semedê azadîya ey têkoşîn bikerê. Ma zî sozê dewamkerdişê û berzkerdişê merheleya têkoşînê danê û heta dilopêke gonîya xo ma do serê lingan de bê. Ma do her merheleyê têkoşînê xo yê semedê azadîya Brêz Ocalan berz bikerê."