Fîlîz Zeyrek

 

EDENE - Suretxan Kayaya ke bi kîloyan gozan bi kedêke pîl kena la wa va: "Ma çaryewêke heqê keda xo nêgînê."

  

Cinî karkerîya ramitişî ra bigî, heta karkerîya keyeyî her kar kenê. Tayê xo verê keyeyê xo de gozan kenê la wa. Cinîya bi nameyê Suretxan Kaya 46 serrî semedê debara xo bikerê bixebitîyê wina va: "Ma ser ê herra xo ra ameyî koçkerdiş. Tîya cuyayîş zaf zehmet o. Semedo ke ma mecburê bixebitîyê. No semed ra çi destê ma ra bêro ma kenê."

 

'Ma zaf zehmetî ancenê'

  

Suretxane da zanayîş ke aye taxa Gulbahçeyê  Seyhane de nişnê ro û bi di serrî no karî kenê û wina va: "Ma zanê ke ma yenê mêtîngerkerdiş zî ma bê veng ê. Keyeyê ma kîra yê. MÊrdeyê mi nêweş o û nêeşkeno bixebitî yo. Ez û domanê xo nê karî kenê û pereyê nanê xo vejenê. Domanê mi heme şinê mektebe. Wextê vengî de benê hetkar. Eke no kar çin bîne ma zehmetîyê pîlî antêne."

 

Yewin xeyalê aye ageyrayîşê dewe aye yo

 

Suretxane ard ziwan semedo ke 20 TL qezenc bikerê 24 saetî xebityenê û va bi derzenî 10 kîlo gozan derbazê la kenê. Suretxane ard ziwan ke yewin xeyalê aye o yo ke ageyro serê herra xo.

 

Sevdaya 15 serrî zî ke hetkarî dana maya xo wina va: "Semedo ke halê ma yê ekonomî baş nîyo, ez bi maya xo dir no karî kena. Hamnanî zî ez hetkarîya maya xo kena. Ez no semed ra kêfweş a. Yewin xeyalê mi o yo ke ez semedê maya xo û wayê û birayê xo ameyoxêke baş verdî."