QAMIŞLO - Îdarekarîya Heyetê Silhî, Behîye Mûrade derheqê 25ê Teşrîna Verêne Roja Têkoşînê hemverê Tedayê ser ê cinîyan ê Mîyannetewî şîrove kerde û va: "Semedê tedayê ser ê hemverê cinîyan orte ra wirzo, lazimî yewîtîya cinîyan esta. Hewldan û yewîtîya cinîyan do bibo sebebê azadîya cinîyan."

 

'Ganî cinî mil bidê yewbînan'

  

Îdarekarîya Heyetê Silhî Behîye Mûrade derheqê  25ê Teşrîna Peyêne Roja Têkoşînê hemverê Tedayê ser ê Cinîyan ê Mîyannetewî dîyar kerde ke, semedê komelêke azad û aram lazimî azadîya cinîyan esto û wina va: "Tedayê ke serê cinîyan dewam kenê, xeylê reyan beno sebebê kiştişê cinîyan zî. Yew zî şîdeto pîl yê ser ê cinîyan zewacê emrê qijî de yo. Dinya de 700 milyonî ra zêde cinî emrê xo yê qij de yenê zewicnayîş. Ganî cinî nê çî qebul nêkerê û mil bidê yewbînan ke tewirê şîdetê wehşî dir rî bi rî nêmanê."

 

'Şîdetê ser ê cinî azadîya komelî desteser kena'

 

Behîye qalîkerdişê xo de bale ante ser azadîya komelî û dewam kerde: "Her cayê welatê dinya cinî bi şîdetî dir tewir tewir rî bi rî manenê. Taybetî zî dewletê Ereban sera 70 cinî şîdet vînenê. Dewletê Ereban de cinî sera 92 bi şîdetê camêrdan dir rî bi rî manenê. Semedê cuyake azad û aram ganî şîdetê cinîyan ser peynî bibo û komel derheqê na babete de perwerde bibo. Çunke şîdetê serê cinîyan, azadîya komelî zî desteser kena."

 

'Rêxistinê cinîyan ganî esas bêrê girewtiş'

 

Behîye qiseykerdişê xo winî qedêna: "Ganî her cinî hayeyê înan heqê înan ra bibo û hemverê no zulmî bieşkê xo bipawê. Ma sey keyeyê cinîyan veng danê heme cinîyan kenê ke wayîrê heqê xo vejîyê û xo perwerde bikerê û cuyayîşê rojane de rêxistinê cinîyan gerek esas bêrê girewtiş."