Melîke Aydin

 

DÊRSÎM - Gunel Konake dîyar kerde ke aye cuyayîşê kêna xo û hepsîyê bînan ê Hepsîyê  Elezîzî rê endîşeyîna û wina va: "1 Teşrîna Peyêne ra heta nika hepsî kewtê grevê vêşanî û do merdimê hepsîyan piştdayîş bidê çalakîya înan."

 

Hepsîyê, hepisxaneyê Tîpê T yê Elezîzî 1ê Teşrîna Peyêne heta nika hemverê cenazeyê hucre û caardişê grevê vêşanî de yê. Maya tewqîfkerdîya bi nameyê Dersîm Konake, Guler Konake va ke ê cuyayîşî hepsîyan bi endîşeyînê. Gulere ard ziwan ke îdarekerdoxê hepisxaneyê semedê grev peynî bibo û va hewceyo ke keyeyî zî dest bi grevê vêşanî bikerê.

 

Kêna xo ra zanayîş nêgêna

 

Gulere wina va: "Bi nêzdîyê di aşmî yo ma şinê pêvînayîşan la 20-30 gardîyan serê ma de yenê. Vindertişê kêfî mojnenê ra. Bi aşmêke ma hepsîyan ra zanayîş nêgînê. Pêvînayîşê peynî de kêna mi va, 'ferzkerdişê nasnameyê hepsîyan esto, beno ke ma nêvejîyê pêvînayîşan' semedê cezayê name û telefonî ma nêeşkenê pêvînayîşan bikerê. Wextê peyînan de dayne beran ro û sloganan berz kerdêne. Ma waşt ke bi midûrê hepisxaneyî dir pêvînayîş bikerê. Vendayî gardîyanan. Vatî şima nêeşkenê pêvînayîş bikerê. 20-30 gardîyanî serê ma de ameyî. Ma eştî teber."

 

Gulere dewam de da zanayîş ke, înan derheqê halê hepsîyan de bi dozgerî dir pêvînayîş kerdê û dozgerî zî înan ra vato 'qerar nêeşkenê bêrê binpêkerdiş.' Gulere nê çî ard ziwan: "Ma dozgerî ra va, ma cuyayîşê domananê xo ra endîşeyînê. Ey zî va 'heta qert nêgîrê, nêeşkenê pêvînayîş bikerê' Hevalêke înan name eşrawito vato ' Semedo ke ma da beran ro û sloganan berz kerd, gardîyanan ma derb kerdî.' Ma do heta peynî piştdayîş bidê domananê xo. Ma do tebera bikoyê grevê vêşanî.