MELETÎ - B.ya ke bi fuhuşî dir ri bî rî menda wina va: "Ez cinîyake bi zor fuhuşî dir rî bi rî ameya verdyaîş. No semed ra ez hemverê domanêke fuhuşî dir rî bi rî mende bêveng nêmenda. Alternatîfê mi çinbi la ê aye bi..." B.ya ke bi vindertişê xo domanêke fuhuş ra xelisna wina va: "Mi nêeşkayne verê xo de bivindarnayne la keyeyê aye ke bêveng maneno zî do bibo sebeb ke na domane bi fuhuşî dir rîbirî bêro verdiş. No semed ra gerek domane rê hetkarî bêro kerdiş."

 

Cinî her cayê cuyayîşî de yeno waştiş ke hetê îqtîdarê camêrdan ra bêrê pelçiqnayîş. Cinî êîyanê nê îqtîdarî de xeylê reyan zî muracatê metodê cîya kenê. Cinîya ke semedê asayîşî nêwazena nameyê xo bido û ma nameyê aye sey B. nuşt hîkayeya aye cîya esta. B. şîdet û fûhûşê ke bi zor kewta mîyan, nêwazena domanê bînî bikoyê mîyanê çî. B.ya ke nêwazena domana bi nameyê A. û 17 serrî biko mîyanê nê çî no semed ra hewl dana.

 

Meletî de domana 17 serrî ke hetê Orhan K.yî bi îstîsmaro zaynedî rî bi rî mende, reyna hetê  Orhan K. ra yeno waştiş ke fûhûş bikero. Orhan domana bi nameyê A. berd keyeyê ke tede fûhûş yeno kerdiş. A'ya ke îşkence ci rê amebi kerdiş, B rê qalî kerd. B zî domane berde qereqole û qereqole zî domana bi nameyê A teslîmê keyeyê aye kerd. Domane gerreyê Orhanî kerd. Yeno îdiakerdiş ke Orhan merdimê B.ye yo. Semedê tehdîdê Orhan û tedayê keyeyî domana 17 serrî mecbûr mende ke gerreyê xo peyser bianco. Orhan şewêke tepişnaye mend û ame veradayîş.

 

B.ye çîyê ke ameyî cuyayîş JIN NEWSî rê qalî kerde.

 

'Alternatîfê mi çin bi la ê aye bi'

  

B.ye dîyar kerde ke zîhnîyetê îqtîdarê camêrdan xêrcê rayîrê fûhûşî ti rayîr ci rê nêverdayo û da zanayîş ke xeylê ciwanî bi rayîrê tîryakî û fûhûşî komelî ra yenê qutkerdiş. Wexto ke mi dî domana 17 serrî do sey mi biko mîyanê nê çî, mi aye berde qereqole û wina va: "Hemverê nê çî ez nêeşkayne bêveng bimanî. Alternatîfê mi çinbi la ê aye bi. No semed ra mi hewce dî ke ez aye mîyanê nî çî ra vejî."

 

'Domana 17 serrş heme çîyê ke cuyabî mi rê qalî kerde'

 

B da zanayîş ke A. bi îstîsmarê zayendî dir rî bi rî menda û wina va: "A. verê hetê dedê xo ra bi îstîsmaro zayendî dir rî bi rî menda û no zî hetê keyeyê aye ra ameyo nimtiş. Ez keyeyê aye geyraya û mi hedîse înan rê qalî kerd. A hem hetê dedê xo ra hem zî hetê merdimêke xo yê nizd ra îstîsmaro zayendî dir rî bi rî menda. Keye zî ameyne tehdîtkerdiş û no semed ra no îstîsmar o zayendî nimte bimano. Ganî bi lezgînî hetkarîya na domane bêro kerdiş."

 

Zor dayî keye ke semedo ke gerreyê xo peyser bianco

 

B. ard ziwan ke domane ameya tehdîdkerdiş û domane mecbur menda ke gerreyê xo peyser bianco û wina va: "Semedo ke emrê aye qij bi, mi venda keyeyê aye. Eke mi bizanayne aye gerreyê xo peyser ancena mi teslîmê keyeyê aye nêkerdêne."

 

'Meletî de fûhûş xeylê zêde yo'

 

B. dîyar kerde ke Meletî de xeylê cafeyan de bi tozê tiryakî ke tay kesî kenê mîyanê werdê ciwanan, bi no hawa cinî mecbûr yenê verdiş ke fûhûş bikerê û wina va: "Meletî de serrê peyînan de bi girêdayîşê tîryakî zaf zêde bîyo.  Meletî verê winî nêbi. Nika heme cayen de no çî eşkera yeno kerdiş. La tay cayan de tîryakî verî belaş yeno dayîş. Dimayê ke girêdayîş virazneno, êdî pere yeno girewtiş. No çî en zaf cafeyê ke muzîkê ganî yeno kerdiş virazêno.  K. Cafe, T. Cafe û C. Cafe mîyanê fûhûşî de yê."