Pîroz Zirig

 

AMED - Meclîsê Mayê Aştîyê Amedî ke hemverê tepiştişê Endamê Meclisê Aştîye Nahîde Ormanli reaksîyon mojnayî ra û dîyar kerdî mayê ke wazenê hesrê çiman û gonî vindaryo tepiştişê înan nîno qebulkerdiş.

 

Mayê Aştîye reaksîyon hemverê Endamê Meclisê Mayê Aştîye ê  Şirnexî Nahîde Ormanli (60) ke netîceyê eştişê keyeyî ser 31 Teşrîna Peyêne de amî tepiştiş û dima ra zî amî tewqîfkerdiş. Endamê Meclisê Mayê Aştîyan Gulîstan Erîke dîyar kerde ke hukmat bi tepiştişê mayan amanc keno ke kaos hîna xurtir bikero û nê çî vatî: "Cinîyake emrê aye resayo 60 - 70 serran eşkena se bikero? Sebebê bingeyê na maye dejê zerrîya aye yo û semedo ke zerrîya aye veşena nêwazena ke zerrîya mayêke bîne biveyşo."

 

'Ma do xoverdayîşê azadî ra game peyser nêerzê'

 

Gulîstane dîyar kerde ke bi serran binê nameyê Mayê Aştîye de xo ver danê û va ke kesê ke semedê aştî xo ver danê sey "terorîst" yenê namekerdiş. Gulîstane da zanayîş ke bi taybetî wextê ewro de, yeno waştiş ke mayan bi tepiştişan bêveng bikerê  û Mêrdîn, Şirnex û Amed de tepişnayîşî zêde bîyê. Gulîstane wina va: "No xoverdayîşê mayan ercîyayîşê rêzgirewtişî yo. Heqê her maye esto ke, waştişê aştî û demokrasî bikero. Ganî hesrê çiman û gonîya ke yena rijnayîş bêro vindertiş. Ma do her roje semedê aştî û demokrasî xo ver bidê."

 

'Waştişê ma yê edaletî bi bê edaletî yeno pêşwazîkerdiş'

 

Maya Aştîye Nezahat Teke zî dîyar kerde ke zulmo ke mayan rê yeno kerdiş, waştî ke dest û lingê înan bêrê girêdayîş. Nezahate va ke semedo ke maye dejo en pîl şer ra ancenê, en zêde ê do semedê aştî û demokrasî xo ver danê. Nezahate bale ant serê tecrîdo girankerdeyê serê Rayberê PKK Abdullah Ocalanî zî da zanayîş ke, ê do xoverdayîşê xo hemverê tecrîdî dewam bikerê.